KAMBʼAL 11
Bʼiki ti Jedʼeʼek a Mas Weeltik ti kiʼ kʼuʼ a Yan Ichil a Bʼibʼle
Tuklajaʼan wa a men a kajsik junpʼeel a noxi meyaj, pero uchak a wilaj ti top chichak u bʼetbʼel? Tiʼi kaʼ paatakech a bʼeteʼ uchak kajeech a wilaʼ bʼiki kaʼ a bʼeteʼ tzʼeʼtzʼeʼtakil. Uchak bʼoobʼeʼlik a jedʼeʼek ti tuklik tupach u xokbʼol a Bʼibʼle. Uchak ti wadʼiki ‹chen tubʼaj in kaal?› Ichil a kambʼal adʼaaʼ bʼel ti kaʼa ti tzʼaaʼ ti kuenta a meen bʼaʼal a jedʼeʼek a bʼetik tiʼi kaʼ a wilaʼ u kiʼil a xok y kambʼal ichil a Bʼibʼle.
1. Kʼuʼkaʼa kaʼ ti bʼoch xoko a Bʼibʼle?
Leʼek mak kaʼ u bʼoch xoko a Bʼibʼle, waxan «u ley a Jehovah,» kiʼak u yool y kiʼ ti bʼel u kaʼa kʼuʼ a tan u bʼetiki. (Xoko a Salmo 1:1-3.) Tiʼi kaʼ kaakeche, xoko tzʼeʼtzʼeʼtakil ichil a kʼini. Tanil a naʼtik kʼuʼ a yan ichil a Bʼibʼle mas kiʼtal u kaʼa tawich a xokik.
2. Kʼuʼ jedʼeʼek u yaantikech kaʼ a wilaʼ u kiʼil a xok ich Bʼibʼle?
Tiʼi kaʼ ti wilaʼ u kiʼil ti xok ichil a Bʼibʼle kʼabʼeet kaʼ ti xoko y kaʼ ti «kiʼ tukle u pach» kʼuʼ a tan ti xokiki. (Joshua 1:8) Tanil a xokik kʼaate tiʼi a bʼajil a kʼaatchiʼ a jabʼix adʼaʼa: ‹Kʼuʼ a tan u kaʼansikten a scripturaj adʼaʼ tupektzil a Dʼios Jehovah? Kʼuʼ a tan u kaʼansikten adʼaʼ kaʼ in bʼeteʼ? Bʼiki ti jedʼeʼek in waantik ulaakʼ a mak etel a scripturaj adʼaʼa?›
3. Bʼikʼin ti jedʼeʼek a tzʼeek a tiempo ti xok Bʼibʼle?
Yaabʼoʼon walak ti wilik ti chich u käxtabʼäl a oraj tiʼi xoko. Yaalte «a mas tzʼaaʼ ti kuenta kʼuʼ a mas kʼabʼeete» tiʼi kaʼ a xoko a Bʼibʼle ti manäk a kʼin a sansamala. (Efesios 5:16) Yan a walakooʼ u xokik u Bʼibʼle ti jatzʼkaʼtoj, waxan leʼek ti maʼ tanooʼ u meyaj ichil a kʼini y yanooʼ ulaakʼa, walakooʼ u bʼetik ʼaantes u bʼelooʼ ti wäyäl. Kʼuʼ ti orajil a mas kiʼ tiʼitech incheche??
MAS KAMBʼALTETO
Kambʼalte bʼiki ti jedʼeʼek a mas ilik u kiʼil a xok ich Bʼibʼle y bʼiki ti jedʼeʼek a listaartik a bʼajil tiʼi kaʼ a mas ilaʼ u kiʼil a kambʼal ichil a juʼum adʼaʼa.
Jabʼixlik ti jedʼeʼek u kiʼtal tikiwich ti jante a janal a maʼax junsut ti jante, bʼoobʼeʼilik ti jedʼeʼek u kiʼtal tikiwich ti xokik ti Bʼibʼle
4. Kambʼalte bʼiki ti jedʼeʼek a wilik u kiʼil a xok ich Bʼibʼle
Uchak maʼ kʼuʼun u kajsabʼäl a xok ich Bʼibʼle. Pero jedʼeʼek u kiʼtal tawich jabʼixilik ti jedʼeʼek u kiʼtal tawich a jantik a janal a maʼax junsut a yaalte. Xokeʼex 1 Pedro 2:2, kaʼtun tzikbʼalteʼex a kʼaatchiʼ adʼaʼa:
Jedʼeʼek wa u mas kiʼtal tawich a xokik a Bʼibʼle wa bʼoch tan a xokik?
Chaʼanteʼex a VIDʼEO ila bʼiki ti yanooʼ a mak a kiʼajooʼ tuwich a xok Bʼibʼle. Kaʼtun tzikbʼalteʼex a kʼaatchiʼooʼ adʼaʼa.
Leʼekooʼ aj tzʼutzʼubʼ mak ti wilajooʼ ichil a vidʼeo, kʼuʼ a chich a paatajooʼ u manese?
Kʼuʼ u yaantajooʼ tiʼi kaʼ u bʼoch xokooʼ u Bʼibʼle?
Kʼuʼ u bʼetajooʼo tiʼi kaʼ u yilooʼ u kiʼil a xok ich Bʼibʼle?
Jedʼeʼekooʼ u yaantikech adʼaaʼ tiʼi kaʼ kaakech:
Käxte bʼikiʼil a Bʼibʼle kaʼ a xokoʼ. Yaalte a xoko a New World Translation wa yan ichil a tʼan a walak a tzikbʼaltiki.
Jedʼeʼek a kaal a xokoʼ a paarte adʼooʼ a mas kiʼ tawichi. Wa maʼ a weel tubʼaj a kaala, jedʼeʼek u yaantikech a parte «Kajen a Xokoʼ a Bʼibʼle.»
Tzʼiibʼte bʼikiʼil a ak jobʼeech a xokik. Jedʼeʼek u yaantikech a parte a yan ichil a juʼum adʼaʼa, leʼek a «Markaarte Bʼikiʼil a ak Xokoʼ.»
Usaarte a JW Library® app. Jedʼeʼek a usaartik a app adʼaʼ ichil a foon. Leʼek a tubʼaj keʼenech jedʼeʼek a xokik a scripturaj waxan jedʼeʼekilik a wuyik u xokbʼol.
Usaarte a appendixes ichil a New World Translation. Ichili yan a maapa, yan a letraatoj, yantak kʼuʼ u nuʼkul a tʼan yanooʼ ichil a Bʼibʼle. Jedʼeʼek tun u yaantikech adʼaʼji tiʼi kaʼa mas ilaʼ u kiʼil a xok.
5. Kaʼ a payeʼ xokoʼ kʼuʼ a bʼel a kaʼa a kambʼalte
Xokeʼex a Salmo 119:34, kaʼtun tzikbʼalteʼex a kʼaatchiʼ adʼaʼa:
Kʼuʼkaʼa kiʼ kaʼ uchuk a payajchiʼ ʼaantes a listaartik a kambʼal waxan a xokik a Bʼibʼle?
Bʼiki ti mas jedʼeʼek a wilik u kiʼil a xok? Tanil a payeʼ xokik a kambʼal ichil a juʼum adʼaaʼ, yaalte a usaartooʼ a puunto adʼaʼa:
Xoko a primero xoko ʼasto kulik a parte a «Mas Kambʼalteto».
Käxte y xoko a scripturaj, yaalte a chʼaʼtojte bʼiki ti jumbʼel etel kʼuʼ a tan a kambʼaltiki.
Käxte u nuukbʼeebʼ a kadʼaj kʼaatchiʼi. Bʼel u kaʼa u yaanteech a komon tzikbʼalte u pach etel mak tan u kaʼansikech.
A weel wa?
Leʼek a Testigojooʼ Tiʼi Jehovah jujumpaay a Bʼibʼle a usaaraʼanooʼ umene. Pero mas kiʼ tikiwich a New World Translation of the Holy Scriptures umen kʼuʼun u chʼaʼtojbʼol, toj bʼiki ti tzʼiibʼaʼan, y yan u kʼabʼaʼ a Dʼios ichili.—Ila a Web article «Yan wa u Bʼibʼle a Testigojooʼ Tiʼi Jehovah Tubʼajili?»?
YAN MAK WALAK U YADʼIK: «Tiempo u kʼati kaʼ a känäʼ kʼuʼ a yan ichil a Bʼibʼle. Inene maʼ yanten a oraj.»
Kʼuʼ a tukul incheche?
KʼUʼ A KÄNAJA
Tiʼi kaʼ a wilaʼ u kiʼil a yan ichil a Bʼibʼle, tzʼa tiempo a xokoʼ, uchuk a payajchiʼ tiʼi kaʼ a chʼaʼtojte y kaʼa payeʼ listaarte a kambʼal.
Tzikbʼalbʼäl kʼuʼ ti känaja
Kʼuʼ bʼel u ku yaanteech a känäʼ ti kiʼ kʼuʼ a yan ichil a Bʼibʼle?
Bʼikʼin ti jedʼeʼek a tzʼeek a tiempo a xokoʼ a Bʼibʼle y ti kambʼal ichil?
Kʼuʼ u kiʼil tiʼitech wa kaʼ a payeʼ listaarte kʼuʼ a bʼel a kaʼa a kambʼalte?
MAS ILATOJ
Ila kʼuʼ toj a jedʼeʼek a bʼetik tiʼi kaʼ a mas känäʼ ti kiʼ kʼuʼ a yan ichil a Bʼibʼle.
«Bʼiki kaʼ a Mas Känäʼ ti kiʼ kʼuʼ a Yan Ichil a Bʼibʼle» (The Watchtower No. 1 2017)
Kambʼalte oxpʼeel bʼiki ti jedʼeʼek a xokik a Bʼibʼle.
Ila bʼiki ti jedʼeʼek a wilik u kiʼil a xok Bʼibʼle.
Ila kʼuʼ a jedʼeʼek a känik etelooʼ adʼaaʼ a uchi kaakooʼ ti xok Bʼibʼle.