U pektzil u Gobʼeerno Dʼios, a mensaaje a mas kʼabʼeet yan ichil a Bʼibʼle. A Jehovah bʼel u kaʼa u usaarte u Gobʼeerno tiʼi kaʼ u bʼeteʼ kʼuʼ u yaax kʼatiintaj tiʼi a yokʼolkabʼa. Kʼuʼi u Gobʼeerno a Dʼioso? Bʼiki ti weel ti tan u gobʼernaar aleebʼe? Kʼuʼ a ak paataji u bʼeteʼe? Kʼuʼ a bʼel u kaʼa u bʼeteʼ tiʼi a tiempo a wataktojo? Leʼek a kambʼal adʼaaʼ etel a kaʼpʼeel a wataktoj, bʼel u kaʼa u nuuktooʼ a kʼaatchiʼ abʼeeʼ.

1. Kʼuʼ u Gobʼeerno a Dʼioso y mak u Reyil?

A Gobʼeerno adʼaaʼ Dʼios Jehovah u waʼkuntaj. Jesus u Reyil y ti kaʼan bʼel u kaʼa ti gobʼernaar. (Mateo 4:17; Juan 18:36) A Bʼibʼle u yadʼaj ti leʼek a Jesusu: «Ocol u caʼa ti reyil jumpul.» (Lucas 1:32, 33) Bʼel u kaʼa u gobʼernaarte u peteebʼal a yokʼolkabʼa.

2. Mak a bʼel u kaʼa ti gobʼernaar tutzeel a Jesusu?

Maʼ tujunal bʼel u kaʼa ti gobʼernaar a Jesusu. «A cristiano a jumpaayooʼ u wich u tʼana, [...] ichil jujun pʼeel aj meen caja, ichil jujun pʼeel a nucuch caja, tulacal . . . Bel ilic [u caʼajooʼ ti] tücaaʼ yocʼolcab.» (Revelacion 5:9, 10) Uchukal u talel a Jesus tuwich a yokʼolkabʼa yaabʼooʼ u yaj täkʼään tanooʼ u tzʼokʼsaj. Pero laj bʼelooʼ wa u kaʼa ti gobʼernaar tutzeel a Cristojo? Maʼ! Jadʼiʼlik ciento kuarenti kuatro mil tuul a bʼelooʼ u kaʼa ti kaʼan ti gobʼernaar tutzeel a Jesusu. (Xoko a Revelacion 14:1-4.) U masil aj tzʼokʼsaja, kuntalooʼ u kaʼa yalam u Gobʼeerno a Dʼios tuwich a yokʼolkabʼ.—Salmo 37:29.

3. Kʼuʼkaʼa mas kiʼ u Gobʼeerno a Dʼios tuwich u gobʼeerno a winiki?

Yanooʼ a gobʼeerno yokʼolkabʼa walakooʼ u yaaltik u wich u bʼeteʼ kʼuʼ a kiʼi, pero umen maʼ yanooʼ u podʼeer, maʼ walakooʼ u paatal u laj bʼeteʼ kʼuʼ u kʼatooʼ. Leʼek ti walak u okol ulaakʼa, uchak tzʼuʼutooʼ y maʼ u kʼatooʼ u yaante a kristiyaano. Pero u Gobʼeerno a Dʼioso, Jesus bʼel u kaʼa u gobʼernaarte y maʼax jumpʼeel gobʼeerno bʼel u kaʼa u chʼaaʼ u kuuch. A Dʼioso «u [waʼkuntaj] a Gobʼeerno a maʼ bʼel u kaʼa jobʼsabʼälä.» (Daniel 2:44) A Jesusu bʼel u kaʼa ti gobʼernaar tupeteebʼ a yokʼolkabʼa y laj ket ti bʼel u kaʼa u trataarte a maka. Alaji yan u yakunaj, toj ti bʼel u kaʼa ti chʼaʼbʼej y ichil u kiʼil. Bʼel u kaʼa u kaʼansooʼ a kristiyaano, kaʼ u trataartooʼ u bʼajil ti kiʼ.—Xoko a Isaias 11:9.

4. Yan u podʼeer a gobʼeerno bʼel u kaʼa u gobʼernaarte a yokʼolkabʼa

A Jesusu mas yan u podʼeer ti gobʼernaar tuwich bʼoon a uchukooʼ u gobʼernaar tuwich a yokʼolkabʼa. Xokeʼex a Mateo 28:18, kaʼtun tzikbʼalteʼex a kʼaatchiʼ adʼaʼa:

• Kʼuʼ u jumpaayil u gobʼernaar a Jesus ketuwich u gobʼernaar a winiki?

U gobʼeerno a winik yokʼolkabʼa bʼoch walak u jeelel y jumpʼelik u parte a yokʼolkabʼ walakooʼ u gobʼernaartiki. Kʼuxtun u Gobʼeerno a Dʼioso? Xokeʼex a Daniel 7:14, kaʼtun tzikbʼalteʼex a kʼaatchiʼooʼ adʼaʼa:

• Kʼuʼkaʼa mil u kiʼil ti «maʼ bʼel u kaʼa jobʼsabʼäl» u Gobʼeerno a Dʼioso?

• Kʼuʼkaʼa mil u kiʼil ti bʼel u kaʼa u gobʼernaarte u peteebʼal a yokʼolkabʼa?

5. Jokʼsabʼäl u kaʼa u gobʼeerno a winiki

Kʼuʼkaʼa kaʼ okok ti gobʼernaar u Gobʼeerno a Dʼioso tuwich a tiʼi a winiki? Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.

VIDʼEO: Kʼuʼ U Gobʼierno a Dʼioso?—Neneʼ parte (1:41)

• Umen winik a tan u gobʼernaara, kʼuʼ a tan u yuchulu?

Xokeʼex a Eclesiastes 8:9, kaʼtun tzikbʼalteʼex a kʼaatchiʼooʼ adʼaʼa:

• Mas kiʼ wa kaʼ okok ti gobʼernaar u Gobʼeerno a Dʼios tuwich a tiʼi a winiki? Kʼuʼkaʼa?

6. Jedʼeʼek u chʼaʼtojtikoʼon a bʼelooʼ u kaʼa ti gobʼernaar ichil u Gobʼeerno a Dʼioso

Ti Rey Jesusu, «U yeel biqui yaniloʼon. Jedeʼec u paatal u chʼaʼic ti wotzilil» umen u yeel bʼiki a kuxtal yokʼolkabʼ. (Hebreos 4:15) Ciento kuarenti kuatro mil tuul ti winik etel ix chʼup a bʼelooʼ u kaʼa ti gobʼernaar tutzeel a Jesusu. Yeetbʼooʼ umen Jehovah tuyaam «a jumpaayooʼ u wich u tʼana, ichil jujun pʼeel aj meen caja, ichil jujun pʼeel a nucuch caja, tulacal.»—Revelacion 5:9.

• Bʼiki a wool ti leʼek a bʼelooʼ u kaʼa ti gobʼernaar ichil u Gobʼeerno a Dʼioso, u yeelooʼ bʼiki a kuxtal tuwich a yokʼolkabʼa? Kʼuʼkaʼa?

7. Mas kiʼ u ley a Jehovah tuwich u leyooʼ a winiki

A Gobʼeernojo walakooʼ u tzʼeek a leye, tiʼi kaʼ u protektaartooʼ u jente y kaʼ u yilooʼ u kiʼil. U Gobʼeerno a Dʼioso walaklik u tzʼeek a ley tiʼijooʼ u jente kaʼ u täkʼääntooʼ. Xokeʼex a 1 Corintios 6:9-11–NWT, kaʼtun tzikbʼalteʼex a kʼaatchiʼooʼ adʼaʼa:

• Wa kaʼ u tzʼokʼes tulakal mak u ley a Dʼioso, bʼikijak a kuxtal tuwich a yokʼolkabʼ ti walak a tukliki?a

• Yan wa u tojil tukʼati Jehovah kaʼ tzʼokʼsabʼäk u ley umen a mak a keʼenooʼ yalam u Gobʼeerno? Kʼuʼkaʼa?

• Kʼuʼ tan u yeʼik ti jedʼeʼekooʼ u jeelel a mak a maʼ tanooʼ u tzʼokʼsik a leyooʼ adʼaaʼ?—Ileʼex a versicolo 11.

KʼUʼ A KÄNAJA

U Gobʼeerno a Dʼioso ti kaʼan keʼenak ti uchuk u gobʼernaar tupeteebʼ a yokʼolkabʼa.

Tzikbʼalbʼäl kʼuʼ ti känaja

• Mak a bʼelooʼ u kaʼa ti gobʼernaar ichil u Gobʼeerno a Dʼioso?

• Bʼiki ti mas kiʼ u Gobʼeerno a Dʼios tuwich u gobʼeerno a winiki?

• Kʼuʼ a tan u kʼatiintik a Jehovah kaʼ u bʼetooʼ a mak a keʼen yalam u Gobʼeerno?

MAS ILATOJ

Tzʼaj ti kuentaj bʼiki kaʼ u yadʼaj Jesus tubʼaj yan u Gobʼeerno a Dʼioso.

«Ichil wa a Päsäkʼal Yan u Gobʼeerno a Dʼioso?» (Web article)

Kʼuʼkaʼa u Gobʼeerno Dʼios a mas walak u tzʼokʼsik a Testigojooʼ tiʼi Jehovah tuwich u gobʼeerno a winiki?

Tupach u Gobʼeerno Dʼios Keʼenooʼ (1:43)

Tzʼaj ti kuentaj kʼuʼ a tan u yadʼik a Bʼibʼle tupektzil a ciento kuarenti kuatro mil tuul a yeetbʼooʼ umen a Jehovah tiʼi kaʼ uchukooʼ u gobʼernaar tutzeel a Jesusu.

«Mak a Bʼelooʼ u Kaʼa ti Kaʼan?» (Web article)

Kʼuʼ u tzʼaj ichil u yool juntuul ix chʼup a keʼen ich preesojil ti chen Dʼios bʼel u kaʼa u tales a kiʼ ichil a yokʼolkabʼa?

«Bʼineen in Weeltej Bʼiki ti Jobʼol u Kaʼa a Kʼasil» (Awake!, November 2011)

Ichil a jaabʼ 1914 kaji ti gobʼernaar u Gobʼeerno a Dʼios ti kaʼan. Tiʼi ilik a jaabʼ abʼeeʼ, kaji u yadʼaʼil a kʼin ti bʼelooʼ u kaʼa ti gobʼernaar u gobʼeerno a winiki. Bʼiki kaʼ ti weeltaj abʼeeʼ? Tzʼaj ti kuentaj kʼuʼ u yadʼaj a Bʼibʼle tupektzil u modʼojooʼ a maka y etel kʼuʼ a tan u yuchul ichil a yokʼolkabʼ uchukal u kaal a jaabʼ 1914.

1. Kʼuʼ a adʼajaʼan umen a Bʼibʼle?

Leʼek u juʼum a Daniel u yadʼaj u pektzil a «siete sut.» (Daniel 4:16, 17) Ti weel ti, tujobʼeebʼ a siete sutu teʼ kaal u kaʼa ti gobʼernaar u Gobʼeerno a Dʼioso. A Jesusu u yadʼajilik u pektzil a tiempo abʼeeʼ. U kaʼansaj ti maʼaxtoj kʼochok a kʼin abʼeeʼ leʼek kaʼ u yadʼaj a tʼan: «asto ti caʼ cʼochoc u qʼuinil [u tzʼabʼälooʼ ti kuentaj a naciono]». (Lucas 21:24) Bʼel ti kaʼa ti wilaʼ ti leʼektoj ti kʼochi a jaabʼ 1914 ti jobʼi a siete sutu.

2. Kʼuʼ a kaji ti uchul yokʼolkabʼ ichil a jaabʼ 1914 y bʼiki u modʼojooʼ a kristiyaano?

U yaj täkʼäänooʼ a Jesusu u kʼaatajooʼ tiʼi: «Cʼuʼ u pʼis ti caʼ wataquech tucayeʼ, y ti watac [a jobʼolo]?» (Mateo 24:3) A Jesusu u yadʼaj ti yaabʼ kʼuʼ a bʼel u kaʼa ti uchul ti kaak ti gobʼernaar. Bʼel u kaʼa ti yantal a wiʼijili, yukʼlaj y gerra. (Xoko a Mateo 24:7.) A Bʼibʼle u yadʼaj «Leʼec ti nützʼünac [a jobʼolo]» umen top kʼasooʼ u modʼo a kristiyaano «yantal u caʼa a top yaja.» (2 Timoteo 3:1-5) Uchukal u kaal a jaabʼ 1914, chiklaji ti mas u kʼastalooʼ u modʼo a kristiyaano y mas yaabʼ kʼuʼ a kaji ti uchul yokʼolkabʼa.

3. Kʼuʼkaʼa top kʼasaji a yokʼolkabʼ uchukal u kaal ti gobʼernaar u Gobʼeerno a Dʼioso?

Maʼ xanak tupach ti kaji ti gobʼernaar a Jesus ichil u Gobʼeerno a Dʼios ti bʼini ti gerra etel a Kisini y etelooʼ u yaj kʼakʼas ʼaangel. Choʼbʼi a Kisini, maʼ uchi u ganaari. A Bʼibʼle u yadʼaj «Pulbi tac tuwich a yocʼolcaba. Pulbooʼ ilic u yaj xaʼnum etel.» (Revelacion 12:9, 10, 12) A Kisini tzʼiik umen u yeel ti seebʼaʼan u jobʼsabʼäl. Mentäktunu top yaabʼ a yajil y a kʼuxukil ichil a yokʼolkabʼa. Leʼekooʼ tun adʼaʼ tan u yaantikoʼon ti weeltej kʼuʼkaʼa top yaabʼ a kʼas tan u yuchul ichil a yokʼolkabʼa! U Gobʼeerno Dʼios seebʼaʼan u laj utzkintik a probʼleema a tan u yuchulu.

MAS KAMBʼALTETO

4. Leʼek kʼuʼ u yadʼaj a Bʼibʼle u yeʼaj ti kaji ti gobʼernaar u Gobʼeerno a Dʼios ichil a jaabʼ 1914

VIDʼEO: Kaji ti Gobʼernaar u Gobʼeerno a Dʼios Ichil a Jaabʼ 1914 (5:02)

A Dʼioso u tzʼaj kaʼ uchuk u nämäl aj Rey Nebucanesar u Reyil a kaj Babilonia, tiʼi kaʼ u yeelte kʼuʼtoj a bʼel u kaʼa ti uchulu. A nämäl abʼeeʼ etel u nuʼkul u yadʼaj aj Daniel, u pektzil u gobʼeerno aj Nebucanesar y u pektzil u Gobʼeerno Dʼios a tan u yeʼiki.—Xokeʼex a Daniel 4:17.a

Xokeʼex a Daniel 4:20-26, kaʼtun a wusaarteʼex a letraatoj tiʼi kaʼ a nuukteʼex a kʼaatchiʼooʼ adʼaʼa:

• (A) Kʼuʼ u yilaj aj Nebucanesar ichil u nämäl?—Ileʼex a versicolo 20 y 21.

• (B) Kʼuʼ a bʼel u kaʼa ti uchul tiʼi a cheʼe?—Ileʼex a versicolo 23.

• (C) Kʼuʼ a bʼel u kaʼa ti uchul ti jobʼok a «siete sut»?—Ileʼex a versicolo 26.

Kʼuʼ a tan u yeʼik tupektzil u Gobʼeerno a Dʼios a cheʼ nämälbʼiji

PROFECIA (Daniel 4:20-36)

Gobʼernaar

(A) Aj noxiʼ cheʼ

Maʼ seʼ kaʼ tan u Gobʼernaar

(B) «Chʼäkä a cheʼe,» y chaʼa «kaʼ manäk a siete sutu»

Kaʼ kaji ti Gobʼernaar

(C) «Kaʼ techak tukayeʼ a gobʼeerno»

Leʼek ti primero jajaji a profecia . . .

• (D) Maki a cheʼ ti tan u adʼabʼälä?—Ileʼex a versicolo 22.

• (E) Bʼikʼin ti seʼ wetʼbʼi ti gobʼernaar?—Xokeʼex a Daniel 4:29-33.

• (F) Kʼuʼ a uchi tiʼi aj Nebucanesar ichil u yadʼaʼ a «siete sut»?—Xokeʼex a Daniel 4:34-36.

TI PRIMERO JAJAJI

Gobʼernaar

(D) Aj Nebucanesar, u Reyil a kaj Babilonia

Maʼ seʼ kaʼ tan u Gobʼernaar

(E) Tupach a 606 B.C.E., aj Nebucanesara lookojaji y maʼ kaʼ jedʼeʼek u gobʼernaar siete jaabʼ

Kaʼ kaji ti Gobʼernaar

(F) Aj Nebucanesara maʼ kaʼ lookoji y kaʼ kaji ti gobʼernaar

U kaʼsutil ti jajaji a profecia . . .

• (G) Maki a cheʼ ti tan u yadʼabʼäl?—Xokeʼex a 1 Cronicas 29:23.

• (H) Bʼiki ti seʼ wetʼbʼooʼ ti gobʼernaar? Bʼiki ti weel ti maʼ seʼ tanooʼ u gobʼernaar ti keʼen a Jesus tuwich a yokʼolkabʼa?—Xokeʼex a Lucas 21:24.

• (I) Bʼikʼin y tubʼaj kaji ti gobʼernaar u Gobʼeerno a Dʼioso?

U KAʼSUTIL TI JAJAJI

Gobʼernaar

(G) U reyooʼ aj Israelil tanooʼ u gobʼernaar tiʼi Dʼios

Maʼ seʼ kaʼ tan u Gobʼernaar

(H) Jobʼsabʼi a kaj Jerusalene y 2,520 jaabʼ seʼ maʼ tanooʼ u gobʼernaar u reyooʼ aj Israele

Kaʼ kaji ti Gobʼernaar

(I) A Jesusu Reyaji y kaji ti gobʼernaar ichil u Gobʼeerno a Dʼios ti kaʼana

5. Jeeli a yokʼolkabʼ ichil a jaabʼ 1914

Chaʼanteʼex a VIDʼEO.

VIDʼEO: Jeeli a Yokʼolkabʼ Ichil a Jaabʼ 1914 (1:10)

A Jesusu u yadʼaj kʼuʼtak a bʼel u kaʼa ti uchul ichil a yokʼolkabʼ tupach ti Reyak. Xokeʼex a Lucas 21:9-11, kaʼtun tzikbʼalteʼex a kʼaatchiʼ adʼaʼa:

• Bʼikiʼil a tan a wilik waxan a wuyik a tan u yuchulu?

U yadʼaj aj apostolo Pablo bʼikijakooʼ u modʼo a kristiyaano ichil u yadʼaʼ a kʼin ti tanooʼ u gobʼernaar a winiki. Xokeʼex a 2 Timoteo 3:1-5, kaʼtun tzikbʼalteʼex a kʼaatchiʼ adʼaʼa:

• Bʼikiʼil tuyaamooʼ adʼaaʼ a tan a wilik a tan u yuchul aleebʼe?

6. Umen ti weel ti tan u gobʼernaar u Gobʼeerno a Dʼioso, kʼuʼ a kaʼ u jisoʼon ti bʼeteʼ

Xokeʼex a Mateo 24:3, 14–NWT, kaʼtun tzikbʼalteʼex a kʼaatchiʼooʼ adʼaʼa:

• Kʼuʼ ti meyajil a tan u yuchul aleebʼ, tan u yeʼik ti tan u gobʼernaar u Gobʼeerno a Dʼioso?

• Bʼiki ti jedʼeʼek a wanat ichil a meyaj adʼaʼa?

U Gobʼeerno a Dʼioso tan u gobʼernaar y seebʼaʼan u gobʼernaartik u peteebʼal a yokʼolkabʼa. Xokeʼex a Hebreos 10:24, 25, kaʼtun tzikbʼalteʼex a kʼaatchiʼ adʼaʼa:

• Kʼuʼ a tzaj ti bʼetik a jujuntuuloʼon «ti tan ti naʼtic ti mas nützʼaʼan u caʼ udel a Cristojo»?

KʼUʼ A KÄNAJA

Leʼek a profecia ich Bʼibʼle etel a bʼaʼal a tan u yuchul yokʼolkabʼ, tan u yeʼik ti tan u gobʼernaar u Gobʼeerno a Dʼioso. Tan ti yeʼik ti walak ti tzʼokʼsik adʼaaʼ leʼek ti tan ti jätzik u pektzil u Gobʼeerno a Dʼioso y leʼek ti tan ti bʼel tiʼijooʼ a muchʼtala.

Tzikbʼalbʼäl kʼuʼ ti känaja

• Kʼuʼ a uchi ti jobʼi a siete sut jabʼix ti kaʼ u yadʼaj a Bʼibʼle ichil u juʼum a Daniel?

• Kʼuʼ tan u bʼetik a tzʼokʼsik ti kaji ti gobʼernaar u Gobʼeerno a Dʼios ichil a jaabʼ 1914?

• Bʼiki ti jedʼeʼek a yeʼik ti tan a tzʼokʼsik ti tan u gobʼernaar u Gobʼeerno a Dʼios aleebʼe?

MAS ILATOJ

Yanooʼ aj tzʼiibʼ juʼum etel ulaakʼooʼ a mak u tzʼiibʼtajooʼ u pektzil bʼiki ti jeeli a yokʼolkabʼ uchukal u kaal a jaabʼ 1914. Tzʼaj ti kuentaj kʼuʼ u yadʼajooʼ.

«Leʼek ti Mas Kaji ti Yaabʼtal a Modʼo a Kʼasa» (Awake!, April 2007)

Xoko bʼiki ti jelbʼi u kuxtal a juntuul winik umen a profecia yan ichil a Mateo 24:14.

«Chukul kiʼ Tinwich a Bʼaxäl Bʼata!» (The Watchtower No. 3 2017)

Bʼiki ti weel ti u pektzil u Gobʼeerno Dʼios a tan u yadʼik a profecia ichil a Daniel kapitolo 4?

«Bʼikʼin ti Kaji ti Gobʼernaar u Gobʼeerno a Dʼioso? (Parte 1)» (The Watchtower, October 1, 2014)

Kʼuʼ tan u yeʼik ti leʼek a «siete sut» u yadʼaj a Daniel kapitolo 4 jobʼi ichil a jaabʼ 1914?

«Bʼikʼin ti Kaji ti Gobʼernaar u Gobʼeerno a Dʼioso? (Parte 2)» (The Watchtower, November 1, 2014)

Ak tan u gobʼernaar u Gobʼeerno a Dʼioso. Seebʼaʼan bʼel u kaʼa u jeleʼ tulakal a bʼaʼal a tan tuwich a yokʼolkabʼa. Bʼel ti kaʼa ti tzʼaaʼ ti kuentaj kʼuʼ a kiʼ jedʼeʼek a wooltik, a bʼel u kaʼa ti yantal umen u Gobʼeerno a Dʼios ti kaak ti gobʼernaar tuwich a yokʼolkabʼa.

1. Bʼiki ti bʼel u kaʼa ti yantal a sisʼolal umen u Gobʼeerno a Dʼioso?

Jesus u Reyil u Gobʼeerno a Dʼioso. Ichil a gerra Armagedon bʼel u kaʼa u laj jobʼes a kʼasooʼ etel tulakal a gobʼeerno a yan yokʼolkabʼa. (Revelacion 16:14, 16) Tiʼi a tiempo abʼeeʼ bʼel u kaʼa ti jajtal a promesaj a tan u promesaartik a Bʼibʼle: «ti seebʼaʼan maʼ kaʼ yanakooʼ a kʼasa.» (Salmo 37:10) Bʼel u kaʼa u usaarte u Gobʼeerno a Dʼioso, tiʼi kaʼ u tzʼaaʼ kaʼ yanak a sisʼolal y kaʼ u trataartooʼ u bʼajil a kristiyaano ti toj tulakal tuparte a yokʼolkabʼa.—Xoko a Isaias 11:4.

2. Bʼikijak a kuxtal tuwich a yokʼolkabʼ ti yanak kʼuʼ u kʼati a Dʼioso?

Yalam u gobʼernaar u Gobʼeerno a Dʼioso, «leʼek a tojooʼ u naʼataj bʼelooʼ u ku tiʼalte a yokʼolkabʼa y bʼelooʼ u kaʼa ti kuxtal ti bʼebʼeel tuwich.» (Salmo 37:29) Tukle bʼoonak u kiʼil a kuxtal tiʼi tulakal mak tuwich a yokʼolkabʼa, ti laj tojakooʼ u naʼat, yajakooʼ u yubʼi a Jehovah y yajakooʼ u yubʼi u bʼajil. Maʼ kaʼ yanak a kʼojaʼanili laj bʼelooʼ u kaʼa ti kuxtal ti bʼebʼeel.

3. Kʼuʼ a bʼel u kaʼa u bʼeteʼ u Gobʼeerno a Dʼios ti jobʼsabʼ äk a kʼasa?

Leʼek ti jobʼsabʼäkooʼ tulakal a kʼasa a Jesusu bʼel u kaʼa ti gobʼernaar ti Reyil ichil a 1,000 jaabʼ. Tiʼi a tiempo abʼeeʼ leʼek a Jesus etelooʼ a ciento kuarenti kuatro mil tuul bʼelooʼ u kaʼa u yaante a kristiyaano tiʼi kaʼ maʼloʼakooʼ. Tujobʼeebʼ a 1,000 jaabʼa kichʼpanak a yokʼolkabʼa, laj kiʼakooʼ u yool a kristiyaano y tanakooʼ u tzʼokʼsik u ley a Jehovah. A Jesusu kaʼ bʼel u kaʼa u tzʼaaʼ a gobʼeerno tiʼi u Tat tiʼi kaʼ uchuk u gobʼernaar. «[Bʼel u kaʼa tzʼokʼsabʼäl] u yanil [u] cʼabaʼ» a Jehovah umen tulakal mak. (Mateo 6:9, 10) Teʼ bʼel u kaʼa u yeeʼ ti mas kiʼ u gobʼernaar a Jehovah y ti yan u kuentaj tiʼijooʼ u jente. Bʼel u kaʼa u jobʼes a Kisin etelooʼ u yaj kʼakʼas ʼaanjel y tulakalooʼ adʼooʼ a uchooʼ u chichpolili. (Revelacion 20:7-10) Leʼek a kuxtal adʼaʼji a mil u kiʼil a tan u tzʼeek u Gobʼeerno a Dʼioso, ti bʼebʼeel yanak.

MAS KAMBʼALTETO

4. Leʼek u Gobʼeerno a Dʼioso bʼel u kaʼa u laj jobʼes a gobʼeerno a yan tuwich a yokʼolkabʼa

«Chen yajil a walak u kasik winik ti tan u gobʼernaartik u yetluʼumal.» (Eclesiastes 8:9) A Jehovah bʼel u kaʼa u usaarte u Gobʼeerno, tiʼi kaʼ u laj utzkinte a maʼ toj a walak u uchulu.

Xokeʼex a Daniel 2:44 etel a 2 Tesalonicenses 1:6-8, kaʼtun tzikbʼalteʼex a kʼaatchiʼooʼ adʼaʼa:

• Kʼuʼ a bʼel u kaʼa u bʼeteʼ a Jehovah etel a Jesus tiʼijooʼ a gobʼeerno a yanooʼ tuwich a yokʼolkabʼa y leʼek mak tanooʼ u täkʼääntik?

• Leʼek kʼuʼ a tan a känik tupektzil a Jehovah etel a Jesusu bʼiki ti tan u yeʼik tech ti jaj ti laj toj kʼuʼ a bʼelooʼ u kaʼa u bʼeteʼ?

5. Jesus a mas kiʼ ti Reyil

Umen Rey a Jesus tiʼi u Gobʼeerno a Dʼioso, yaabʼ a kiʼ bʼel u kaʼa u bʼeteʼ tiʼijooʼ u jente a Dʼios tuwich a yokʼolkabʼa. Chaʼanteʼex a VIDʼEO tiʼi kaʼ a wileʼex ti leʼek ti tali a Jesus tuwich a yokʼolkabʼa, u yeʼaj ti u kʼati u yaantooʼ a maka y ti yan tiʼi a podʼeer umen a Dʼioso.

VIDʼEO: U Yeʼaj Jesus kʼuʼ a Bʼel u Kaʼa u Bʼeteʼ u Gobʼeerno a Dʼioso (1:13)

Leʼek ti tali a Jesus wayeʼ yokʼolkabʼa u yeʼaj toʼon tzʼeekak kʼuʼ a bʼel u kaʼa u bʼeteʼ u Gobʼeerno a Dʼios ti kaak ti gobʼernaar tuwich a yokʼolkabʼa. Bʼikiʼil tuyaamooʼ a kiʼkiʼtʼanbʼäl adʼaʼji a kʼati a wilaʼ kaʼ jajaka? Xokeʼex a scripturajooʼ a tan u tzikbʼaltik a kiʼkiʼtʼanbʼäl abʼeeʼ.

6. Leʼek u Gobʼeerno a Dʼioso bʼel u kaʼa u tzʼaaʼ a kuxtal a kiʼ ichil a tiempo a wataktojo

VIDʼEO: Ila Bʼikijak a Kuxtal a Wataktoj (4:38)

Xokeʼex a Salmo 145:16, kaʼtun tzikbʼalteʼex a kʼaatchiʼ adʼaʼa:

• Bʼiki a wool ti tan a weeltik ti leʼek a Jehovah bʼel «u kaʼa u nojʼkunte u yool tulakal kʼuʼ a kuxaʼana»?

KʼUʼ A KÄNAJA

U Gobʼeerno a Dʼioso bʼel u kaʼa u bʼeteʼ u meyaj. Bʼel u kaʼa u kichʼpankunte u wich a yokʼolkabʼa y tulakal a kristiyaano a kumaʼanakooʼ tuwichi laj tanakooʼ u tzʼeek u yanil a Jehovah ti bʼebʼeel.

Tzikbʼalbʼäl kʼuʼ ti känaja

• Bʼiki ti bʼel u kaʼa nakʼsabʼäl u yanil u kʼabʼaʼ a Jehovah umen u Gobʼeerno?

• Kʼuʼkaʼa jedʼeʼek ti tzʼokʼsik ti leʼek u Gobʼeerno a Dʼioso bʼel u kaʼa u laj jajkunte tulakal a promesaj a yan ichil a Bʼibʼle?

• Tuyaam tulakal a bʼel u kaʼa u bʼeteʼ u Gobʼeerno a Dʼioso, bʼikiʼil a chukul kʼati a wilaʼ inchech kaʼ jajaka?

MAS ILATOJ

Kambʼalte kʼuʼ u nuʼkul a Armagedon.

«Kʼuʼ ti Gerrajil a Armagedon u Kʼabʼaʼ?» (Web article)

Tzʼaj ti kuentaj kʼuʼ a uchul u kaʼa tiʼi a kʼin kaʼ u yadʼaj a Jesus ti yaj a yantal u kaʼa.—Mateo 24:21.

Kʼuʼ a Top Yaj Yantal u Kaʼa? (Web article)

Ila bʼiki ti jedʼeʼekooʼ u tuklik famiilia ich komonil u pektzil a kiʼkiʼtʼanbʼäl a bʼel u kaʼa u bʼeteʼ u Gobʼeerno a Dʼioso.

Ila a Bʼajil ti Keʼenech Ichil a Kichʼpan Yokʼolkabʼ (1:50)

«Yaabʼ a Kʼaatchiʼ Walak in Tuklik Upach.» Ichil a kuentaj adʼaaʼ ila bʼiki kaʼ u käxtaj kʼuʼ a tan u käxtik juntuul a winik a maʼ yan u tzik tiʼi a poliitico.

«A Bʼibʼle Walak u Jelik u Kuxtal a Maka» (The Watchtower, January 1, 2012)