Kʼuʼ a ti Weel Tupektzil a Jehovah?

Kʼuʼ a walak u talel ichil a tukul ti walak a tuklik a Dʼios Jehovah? Walak wa tuklik ti top kichʼpan u yanil pero jumpul maʼ jedʼeʼek a naʼtzʼtal tutzeel? Waxan walak wa a tuklik ti a Dʼioso, chen jumpʼeel bʼaʼal a yan u mukʼ jabʼix a chaak y lenlen? Bʼiki u modʼo a Dʼioso? Ichil u tʼan a yan ich Bʼibʼle, bʼel a kaʼa a känäʼ bʼiki u modʼo a Jehovah y bʼiki ti yan u kuenta tiʼi tech.

1. Kʼu’kaʼa maʼ jedʼeʼek ti wilik a Dʼioso?

«A Dʼioso, esperito.» (Juan 4:24) A Dʼios Jehovah, maʼ yan u bʼäkʼel jabʼix a toʼono, ti kaʼan kumaʼan y maʼ jedʼeʼek ti wiliki.

2. Kʼuʼooʼtak ti modʼojil a yan tiʼi a Jehovah?

Maʼ jedʼeʼek ti wilik a Jehovah. Pero leʼek ti kaakoʼon ti mas naʼte u pektzili, bʼel u kaʼa ti chʼiil ti yakunaj tiʼi umen yaabʼ a modʼo a kichʼpan a yan tiʼi. A Bʼibʼle u yadʼaj, «a Jehovah kiʼ tuwich a bʼaʼal a tojo y maʼ yan kʼin bʼel u kaʼa u pʼätooʼ, adʼoo’ a tanooʼ u kulesik u etʼokil etel.» (Salmo 37:28) Ulaakʼili «walac u ch’a’ic ti wotzilil tu jajil,» pyoor tiʼijooʼ a mak a tan u kʼämik a yaja. (Santiago 5:11) «A Jehovah, naʼtzʼ keʼen tutzeelooʼ a yajooʼ u yool u päsäkʼal; walak u saʼaltikooʼ a emaʼanooʼ u yoolo.» (Salmo 34:18) Pero, a weel wa ti jedʼeʼek ti kiʼkuntik u yool waxan ti yajkuntik u yool a Jehovah. (Salmo 78:40, 41) Leʼek mak kaʼ u bʼeteʼ a kʼasa, walak u yajkuntik u yool a Jehovah. Pero leʼek mak kaʼ u bʼeteʼ a kiʼi, walak u kiʼkuntik u yool a Jehovah.—Xoko a Proverbios 27:11.

3. Bʼiki ti walak u yeʼik Jehovah ti yaj u yubʼoʼon?

U jajili, «u beel ti’i a Dioso ti yaj u yubooʼ a cristianojo,» leʼek abʼe’ junpʼeel a modʼo a mas nooch a yan tiʼi. (1 Juan 4:8) Maʼ jadʼiʼ ich Bʼibʼle walak ti känik ti yan u yakunaj a Dʼioso, walakilik ti wilik ichil tulakal kʼuʼ a bʼetajaʼan umene. (Xoko a Hechos 14:17.) Tukle bʼiki kaʼ u bʼetajoʼon. U tzʼaj ti jedʼeʼek ti wilik a jujunpaay color a kichʼpana. Jedʼeʼek ti wuyik a kʼay a kiʼ u peeke. Jedʼeʼek ti jantik a janal a kiʼ u jantabʼälä. U kʼati kaʼ ti wilaʼ u kiʼil ti kuxtal.

MAS KAMBʼALTETO

4. A santo esperito—u mukʼ Dʼios

Jabʼixilik ti walak ti usaartik ti kʼäʼ tiʼi kaʼ ti bʼeteʼ ti meyaj, bʼoobʼeʼilik a Jehovah ti walak u usaartik u santo esperito. A Bʼibʼle u yadʼaj ti leʼek a santo esperito, maʼ juntuul maki. A santo esperito, u mukʼ Dʼios abʼeʼe, leʼek a walak u usaartik kaʼ u bʼeteʼ kʼuʼ u kʼati. Xoke’ex a Lucas 11:13 y a Hechos 2:17, ka’tun tzikbʼalte’ex a kʼaatchiʼooʼ adʼa’a:

• A Dʼioso bʼel u kaʼa u «tzʼaaʼ» u santo esperito tiʼi mak tan u kʼaatik. Ti bʼoobʼeʼe, juntuul mak wa, a santo esperito? Kʼuʼkaʼa bʼoobʼeʼ tatuklik?

A Jehovah walak u usaartik u santo esperito tiʼi kaʼ paatak u bʼeteʼ a bʼaʼal a kichʼpana. Xoke’ex a Salmo 33:6 y 2 Pedro 1:20, 21, ka’tun tzikbʼalte’ex a kʼaatchiʼ adʼa’a:

• Bʼikitak ti walak u usaartik u santo esperito a Jehovah?

5. Kich’pan a mod’o a yan ti’i a Jehovah

Aj Moisese, juntuul u yaj tzʼokʼsaj Dʼios. Pero u mas k’atiinta u yeelte u yaj Bʼetajil. Aj Moisese bʼini u kʼaate tiʼi Dʼios, «Tzʼaj in weelte kʼuʼ a kiʼ tawichi tiʼi kaʼ in mas naʼte makech.» (Exodo 33:13) A Jehovah u yadʼaj tiʼi aj Moises kʼuʼtak ti modʼojil a yan tiʼi. Xoke’ex a Exodo 34:4-6, ka’tun tzikbʼalte’ex a kʼaatchiʼooʼ adʼa’a:

• Kʼuʼ ti modʼojil a yan tiʼi a Jehovah u yadʼaj tiʼi a Moisese?

• Bʼikiʼil tuyaamooʼ u modʼo a Jehovah a kiʼ tawich incheche?

6. Yan u kuenta a Jehovah tiʼijooʼ a kristiyaano

Leʼek u jeente a Jehovah a Hebreo, tanooʼ u tzʼabʼäl ti chichich meyaj ichil a kaj Egipto. Bʼiki u yool a Jehovah ti tanooʼ u kʼämik a yaja? Uye’ex u Xokbʼol a Exodo 3:1-10 y täkʼäänteʼex ichil a Bʼibʼle, waxan xokeʼex ich komonil. Ka’tun tzikbʼalte’ex a kʼaatchiʼooʼ adʼa’a.

AUDʼIO: A Jehovah Yan u Kuenta Tiʼijooʼ Leʼek ti Tanooʼ u Kʼämik a Yaja (2:45)

• Kʼuʼ a tan a känik etel bʼiki u yool a Jehovah ti tan u yilik, ti tan u kʼämikooʼ a yaj a kristiyaano?—Ileʼex a versicolo 7 y 8.

• Walak wa tuklik ti jaj tukʼati u yaantooʼ a kristiyaano a Jehovah y ti jedʼeʼek u bʼetik? Kʼu’kaʼa, waxan kʼuʼkaʼa maʼ?

7. Tulakal a bʼaʼal a bʼetajaʼana walak u yeʼik u kiʼil a Jehovah

Walak u tzʼeek ti weelte bʼiki u modʼo a Jehovah etel a bʼaʼal a bʼetajaʼan umen. Chaʼante’ex a VID’EO. Kaʼtun xoke’ex a Romanos 1:20, y tzikbʼaltʼeʼex a kʼaatchiʼ adʼaʼa.

VIDʼEO: Le’ek a B’a’al a B’etajaʼan Umen a Jehovah Tan u Ye’ik u Yakunaj—Leʼek Bʼiki ti Bʼetajaʼan ti Lu’umal (1:57)

• Bʼikiʼil u modʼo a Dʼios a walak a wilik ichil a b’a’al a bʼetaja’an umene?

KʼUʼ A KÄNAJA

A Jehovah maʼ jedʼeʼek ti wiliki, umen esperito. Pero yaabʼ a modʼo a kichʼpan yan tiʼi y a junpʼeel a mas yaab’ yan tiʼi leʼek a yakunaj.

Tzikbʼalbʼäl kʼuʼ ti känaja

• Kʼuʼkaʼa maʼ jedʼeʼek ti wilik a Jehovah?

• Kʼuʼ a santo esperito?

• Kʼuʼooʼtak a modʼo a yan tiʼi a Jehovah?

MAS ILAJTOJ

Mas kambʼalte u pektzil a Jehovah, tanil a känik u pektzil cuatro pʼeel a modʼo a top kichʼpan a yan tiʼi.

«Bʼiki a Dʼioso» (The Watchtower No. 1 2019)

Tzʼaj ti kuenta kʼuʼ tan u yeʼik ti a Jehovah maʼ chen keʼen kaʼax tubʼajak.

«Keʼen wa a Dʼios, Chen Kaʼax Tubʼajak?» (Web article)

Ila kʼuʼ a walak u yadʼik a Bʼibʼle, ti leʼek a santo esperito u kʼäʼ Dʼios.

«Kʼuʼi a santo esperito?» (Web article)

Juntuul a winik a chʼoopʼo, ti kulaji maʼ walak u tzʼok’sik wa yan u kuenta a D’ios tiʼiji. Naʼte kʼuʼ u jela u tukul.

«In Wool Aleebʼe Jedʼeʼek in Waantik Ulaakʼ a Maka» (The Watchtower, October 1, 2015)