KAMBʼAL 10
Bʼiki ti Jedʼeʼek u Yaantikech u Muchʼtal a Testigojooʼ Tiʼi Jehovah?
Yan wa mak u päyeech tiʼi ti muchʼtal? Uchak saakech ti bʼel. Uchak a tuklaj: ‹Kʼuʼ a walak u uchul ichil a muchʼtala? Kʼuʼkaʼa kʼabʼeet y kiʼ kaʼ xiken ti muchʼtal?› Ichil a kambʼal adʼaʼa bʼel a ka wilaʼ, leʼek ti xikech ti muchʼtala bʼel a kaʼa ti naʼtzʼtal etel a Dʼioso y bʼel u kaʼa u yaanteech.
1. Kʼuʼkaʼa walakooʼ u muchʼtal a Testigojooʼ Tiʼi Jehovah?
Ila bʼiki kaʼ u yadʼaj juntuul aj tzʼiibʼ Bʼibʼle bʼiki u yool yokʼlal a muchʼtal ich komonili: «Ichil a noxiʼ muchʼnal, bʼel in kaʼa in wadʼäʼ u kiʼil a Jehovah.» (Salmo 26:12) A Testigojooʼ ichil ti tiempo bʼoobʼeʼlik u yoolooʼ tiʼi a muchʼtala. Kaʼsut ichil a semaana walak ti muchʼtal ti kambʼal, walak ti kʼay y ti payajchiʼ. Ichil a kadʼa jaabʼa walaklik ti muchʼtal ich yaabʼil ti tzʼaaʼ u yanil a Dʼioso.
2. Kʼuʼ a bʼel a kaʼ kambʼalte ichil ti muchʼtal?
Ichil a muchʼtala walak u «chilamkuntikʼ u nuʼkul y bʼiki ti yan» kʼuʼ a yan ich Bʼibʼle. (Xoko a Nehemias 8:8.) Teʼ bʼel a ka mas weelte u pektzil a Dʼios Jehovah y u modʼo. Tanil a mas naʼtik bʼoon u yakunaj a Dʼios tiʼi teche mas naʼtzʼtal a kaʼa tutzeel. Bʼelilik tun a ka weelte bʼiki ti jedʼeʼek u yaantikech tiʼi kaʼ yanaktech a kuxtal a kiʼi.—Isaias 48:17, 18.
3. Bʼiki ti jedʼeʼek a wilik u kiʼil a muchʼtala?
A Jehovah tan u yadʼiktoʼon «yan ilic ti tuclic biqui caʼ ti beteʼ yocʼol caʼ u mas yacuntooʼ u bajil a hermano y yocʼol caʼ u mas betooʼ a quiʼi. Maʼ quiʼ caʼ ti pʼütüʼ a muchʼtal etelooʼ a hermano.» (Hebreos 10:24, 25) Ichil a muchʼtala bʼel a ka kʼämooʼ a mak a yanooʼ u yakunaj tubʼajili. Yaabʼ a bʼaʼal a kiʼ bʼel a ka wuyiji y jabʼixeche u mas kʼatooʼ u kambʼalte u pektzil a Dʼioso. (Xoko a Romanos 1:11, 12.) Jedʼeʼeklik a tzikbʼal etelooʼ y bʼel a ka wuyi bʼiki ti tan u mansikooʼ a probʼlema a walak u jentaantik adʼooʼ a tzʼoʼkaʼanooʼ ubʼeel y a maʼ tzʼoʼkaʼanooʼ ubʼeel. Leʼek adʼaaʼ tzʼeekak kʼuʼkaʼa u kʼati Jehovah kaʼ muchʼlakoʼon!
MAS KAMBʼALTETO
Kambʼalte kʼuʼ a walak u uchul ichilooʼ u muchʼtal a Testigojooʼ Tiʼi Jehovah y kʼuʼ u kiʼil wa kaʼ a tzʼaaʼ a wool ti bʼel tiʼijooʼ a muchʼtal adʼaʼa.
4. Muchʼtal tiʼi Testigojooʼ Tiʼi Jehovah
Leʼekooʼ aj tzʼokʼsaj uchiji, bʼoch walakooʼilik u muchʼtal ich komonil u tzʼaaʼ u yanil a Jehovah. (Romanos 16:3-5) Xokeʼex a Colosenses 3:16, kaʼtun tzikbʼalteʼex a kʼaatchiʼ adʼaʼa:
Leʼekooʼ aj Tzʼokʼsaj uchi bʼiki ti walakooʼ u tzʼeek u yanil a Jehovah?
Ichil ti tiempo, leʼek a Testigojooʼ Tiʼi Jehovah walakooʼilik u muchʼtal, ichilooʼ u kuuchil u muchʼtal, u tzʼaaʼ u yanil a Jehovah. Tiʼi kaʼ a wilaʼ kʼuʼ a walak u uchul ichil a muchʼtala, chaʼanteʼex a VIDʼEO. Ileʼex u letraatojil a jumpʼeel muchʼtala, kaʼtun tzikbʼalteʼex a kʼaatchiʼ adʼaʼa.
Kʼuʼ a wila ichil a vidʼeo a ket etel kʼuʼ u yadʼaj ichil a Colosenses 3:16?
Yan wa kʼuʼ a wila ichil a vidʼeo waxan ichil a letraatoj tupektzil ti muchʼtal a kiʼ tawichi?
Xokeʼex a 2 Corintios 9:7, kaʼtun tzikbʼalteʼex a kʼaatchiʼ adʼaʼa:
Kʼuʼkaʼa maʼ walakooʼ u mol takʼin a Testigojooʼ Tiʼi Jehovah ichilooʼ u muchʼtal?
Ila yetʼok mak tan u kaʼansikech, kʼuʼ a bʼel u kaʼa kambʼalbʼäl ichil a muchʼtal tiʼi a semaana adʼaʼa.
Bʼikiʼil partejil ichil a muchʼtal a kʼati a weelte bʼiki ti yan waxan a kiʼak tawich tatukliki?
A weel wa?
Ichil a jw.org, jedʼeʼek a bʼel a käxte tubʼaj y bʼikʼin walak u uchul a muchʼtal tupeteebʼ a yokʼolkabʼa.
Ichil ti muchʼtala walak u tzʼabʼäl a tzikbʼala, yan a parte walak u bʼetbʼele y yantak a vidʼeo walak u chaʼanbʼäl. Walak u kaal y u jobʼol ti muchʼtal etel kʼay y payajchiʼ
Yan a parte ichil a muchʼtala jedʼeʼek a nuuk
Laj kʼämoolaʼan tulakal a maka—familia, chijaʼanooʼ, tzʼubʼooʼ, y leʼek a mak a maʼax mak yanakooʼ tiʼi
Maʼ tzaj a bʼoʼtik ti talakech tiʼi ti muchʼtal. A Testigojooʼ Tiʼi Jehovah maʼ walakooʼ u mol takʼin ichil a muchʼtala
5. Kʼabʼeet kaʼ a tzʼaaʼ a wool kaʼ xikech tiʼi a muchʼtala
Jabʼix u ejemploj u familia a Jesusu. Tiʼi kaʼ xikooʼ kadʼa jaabʼ tak Jerusalen ichil a templo, 60 millas tzajooʼ u ximbʼal yaam witz. Xokeʼex a Lucas 2:39-42, kaʼtun tzikbʼalteʼex a kʼaatchiʼooʼ adʼaʼa:
Kʼuʼun wa bʼyaaje tiʼijooʼ tak Jerusalen tatukliki? Kʼuʼkaʼa?
Kʼuʼkaʼa kʼabʼeet kaʼ a tzʼaaʼ a wool ti bʼel tiʼi a muchʼtala?
Yanak wa u kiʼil, wa kaʼ xikech tiʼi a muchʼtala kaʼax chich tiʼi tech? Kʼuʼkaʼa?
A Bʼibʼle u yadʼaj ti mil kʼabʼeet kaʼ muchʼlakoʼon ich komonil ti tzʼaaʼ u yanil a Dʼios Jehovah. Xokeʼex a Hebreos 10:24, 25, kaʼtun tzikbʼalteʼex a kʼaatchiʼ adʼaʼa:
Kʼuʼkaʼa kʼabʼeet kaʼ bʼoch xikoʼon ti muchʼtal?
YAN MAK WALAK U YADʼIK: «Maʼ kʼabʼeet a muchʼtala. Chukul tech chen kaʼ a xoko a Bʼibʼle ich naj.»
Kʼuʼ ti scripturajil tan u yeʼik kʼuʼ u kʼati a Jehovah?
KʼUʼ A KÄNAJA
Leʼek ti keʼenech ti muchʼtala, bʼel u kaʼa u aanteech a mas känäʼ u pektzil a Jehovah tiʼi kaʼ a mukʼaʼankunte a etʼokil etel y kaʼ a tzʼaaʼ u yanil ich komonil.
Tzikbʼalbʼäl kʼuʼ ti känaja
Kʼuʼkaʼa tan u yadʼiktoʼon Jehovah kaʼ muchʼlakoʼon?
Kʼuʼ a bʼel a ka känäʼ ichil u muchʼtal a Testigojooʼ Tiʼi Jehovah?
Yan wa bʼikitoj ti mas jedʼeʼek a wilik u kiʼil a muchʼtala?
MAS ILATOJ
Kʼuxtun wa saakech ti bʼel tiʼi a muchʼtala? Ila bʼiki ti kiʼaji tuwich a bʼel ti muchʼtal a juntuul winiki.
Maʼ Bʼel ti Kaʼa ti Tubʼes Bʼiki kaʼ u Kʼämooltajoʼonooʼ (4:16)
Ila bʼiki ti kaji ti bʼel ti muchʼtal juntuul a winiki y kʼuʼ u bʼetaj ti maʼ u pʼätaj a bʼele.
Ila bʼikijooʼ u yool ulaakʼ a mak ti walakooʼ u bʼel ti muchʼtal.
«Kʼuʼkaʼa kaʼ Xikoʼon ti Muchʼtal Ichil u Kuuchil Muchʼtal?» (Web article)
Yan a juntuul winik a kʼas kuchi ti kulaji pero ila bʼiki ti jelbʼi u kuxtal umen u muchʼtal a Testigojooʼ.
«Maʼax Tubʼaj Walak Inbʼel wa maʼ Tzaj Yan in Tzʼon Tinwetel» (The Watchtower, July 1, 2014)