KAMBʼAL 17
Kʼuʼ ti Modʼojil a Yan Tiʼi a Jesusu?
Tanil ti kambʼaltik kʼuʼ u bʼetaj a Jesus etel kʼuʼ u yadʼaja, tan ti naʼtik a modʼo a kichʼpan a yan tiʼi. Leʼek abʼeeʼ jedʼeʼek u naʼtzʼkuntikoʼon tutzeel alajiji y tutzeel u Tat, leʼek a Jehovah. Kʼuʼooʼ ti modʼojil abʼeeʼ a yan tiʼi a Jesusu? Bʼiki ti jedʼeʼek ti täkʼääntik u modʼo ichil ti kuxtal?
1. Bʼiki ti jabʼix u Tat a Jesusu?
Uchi kaak a Jesus u yetʼoktej u Tat ti kaʼan, u yilaj bʼiki ti tan u meyaj y uchi u kambʼal etel. Mentäktunu a Jesusu jabʼix u Tata, bʼoobʼeʼ u modʼo, u yool etel u tukul. (Xoko a Juan 5:19.) A Jesusu chukul u yeʼaj bʼiki u modʼo u Tat. Bʼini u yadʼäʼ: «Leʼec mac u yilajen, u yilaj biquiʼil a Tattzili.» (Juan 14:9) Tanil a mas känik u pektzil u modʼo a Jesusu, bʼel a kaʼa a weelte ti kiʼ maki a Jehovah. Por ejemploj, leʼek bʼiki kaʼ u chʼaʼaj u yotzilil a kristiyaano a Jesusu bʼel u kaʼa u yeeʼtech ti leʼek a Jehovah yan u kuentaj tiʼitech.
2. Bʼiki kaʼ u yeʼaj Jesus ti yaj u yubʼi a Jehovah?
A Jesusu u yadʼaj: «walac in betic a jabix ilic u yadaj ten a Tattzili. Ti baaloʼo, chicaʼan tiʼijooʼ a cristiano yocʼolcab ti yaj in wuʼyi a Tattzili.» (Juan 14:31) Leʼek ti keʼen a Jesus tuwich a yokʼolkabʼa, u yeʼaj ti yaj u yubʼi u Tat tanil u tzʼokʼsik kaʼax chich tiʼi. A Jesusu kiʼlik tuwich u tzikbʼaltik u pektzil u Tat y u yaantikooʼ ulaakʼ a mak kaʼ naʼtzʼakooʼ etel a Jehovah.—Juan 14:23.
3. Bʼiki kaʼ u yeʼaj Jesus ti yaj u yubʼi a kristiyaano?
A Bʼibʼle u yadʼaj ti leʼek a Jesusu «kiʼtuwich a kristiyaano.» (Proverbios 8:31, a tzʼiʼ puunto yalam) U yeʼaj a yakunaj adʼaaʼ leʼek kaʼ u chichkuntajooʼ u yool y u yaantajooʼ a kristiyaano. Leʼek kaʼ u bʼetaj a milagrojo, maʼ chen u yeʼaj ti yan u mukʼ, pero u yeʼajilik u yakunaj tiʼijooʼ. (Marcos 1:40-42) U kʼämooltaj a kristiyaano ti kiʼi y laj ket kaʼ u trataartajooʼ. Leʼek mak u kʼämooltaj u mensaaje a Jesusu walakooʼ u jeztʼkumbʼul u yool y walakooʼ u yooltik a kuxtal a mas kiʼ a wataktoj. A Jesusu liistoj u kʼämäʼ a yaja y ti kimil chen umen yaj u yubʼi a kristiyaano. Pero mas yaj u yubʼi mak tanooʼ u täkʼääntik u kaʼansaj.—Xoko a Juan 15:13, 14.
MAS KAMBʼALTETO
Mas kambʼalte bʼiki u modʼo a Jesusu. Tzʼaj ti kuentaj bʼiki kaʼ a yeeʼ a yakunaj y a kiʼil jabʼix u yeʼaj a Jesusu.
4. A Jesusu yaj u yubʼi u Tat
Leʼek u ejemploj a Jesusu, tan u yeʼik toʼon bʼiki kaʼ ti yeeʼ a yakunaj tiʼi a Dʼioso. Xokeʼex a Lucas 6:12 etel a Juan 15:10; 17:26. Ti jobʼokeʼex a xokoʼ a kadʼaj scripturaj, tzikbʼalteʼex a kʼaatchiʼ adʼaʼa:
Jabʼix u ejemploj a Jesusu, bʼiki kaʼ ti yeeʼ ti yaj ti wuyi a Jehovah?
A Jesusu yaj u yubʼi u yaj kaʼanil Tat y bʼoch walak u tzikbʼal etel ich payajchiʼ
5. A Jesusu u chʼaʼajooʼ u yotzilil a mak u kʼatooʼ a aantabʼälä
A Jesusu u tzʼaj ti kuentaj kʼuʼ a kʼabʼeet tiʼijooʼ ulaakʼ mak primero tuwich kʼuʼ a kʼabʼeet tiʼi alaji. Kaʼax kaʼnaʼan, u yusaartaj u tiempo etel a mukʼ a yan tiʼi kaʼ u yaantooʼ a kristiyaanojo. Xokeʼex a Marcos 6:30-44, kaʼtun tzikbʼalteʼex a kʼaatchiʼooʼ adʼaʼa:
Bʼikitak kaʼ u yeʼaj ti yan u kuentaj a Jesus tiʼijooʼ ulaakʼ a maka?—Ila a versicolo 31, 34, 41 y 42.
Kʼuʼ u jisaj a Jesus kaʼ u yaante a kristiyaano?—Ila a versicolo 34.
Umen walak u yeʼik u modʼo u Tat a Jesusu, kʼuʼ a tan u kaʼansik tech tupektzil a Jehovah?
Bʼikitak ti jedʼeʼek ti täkʼääntik u modʼo a Jesus leʼek kaʼ u yeʼaj ti yan u kuentaj tiʼijooʼ ulaakʼ a maka?
6. A Jesusu kiʼ tuwich a sijili
A Jesusu liistoj ti sijil kaʼax maʼ yaabʼ a bʼaʼal yan tiʼiji. Tan u yaantikoʼon kaʼ ti täkʼäänte kʼuʼ u bʼetaja. Xokeʼex a Hechos 20:35, kaʼtun tzikbʼalteʼex a kʼaatchiʼ adʼaʼa:
Kʼuʼ jedʼeʼek u kiʼkuntik ti wool jabʼix kaʼ u yadʼaj a Jesusu?
Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.
Bʼikitak ti jedʼeʼek ti sijil kaʼax maʼ yaabʼ a yantoʼono?
A weel wa?
A Bʼibʼle walak u kaʼansik kaʼ uchukoʼon ti payajchiʼ tiʼi Jehovah ichil u kʼabʼaʼ a Jesusu. (Xokeʼex a Juan 16:23, 24.) Leʼek ti uchukoʼon ti payajchiʼ ti bʼoobʼeʼe, tan ti yeʼik ti kʼochaʼan tikiwich bʼiki kaʼ u yaantajoʼon Jesus ti jedʼeʼek ti ʼamiingojtik a Jehovah.
YAN MAK WALAK U YADʼIK: «A Dʼioso maʼ yan u kuentaj tiʼi a yajil a tan ti kʼämiki.»
Umen walak u yeʼik u modʼo u Tat a Jesusu, bʼiki ti tan u yeʼik ti yan u kuentaj toʼon a Jehovah?
KʼUʼ A KÄNAJA
A Jesusu yaj u yubʼi a Jehovah y yajilik u yubʼooʼ a kristiyaano. Umen jabʼix u Tat a Jesusu, tanil a mas eeltiki bʼelilik a kaʼa a mas weelte a Jehovah.
Tzikbʼalbʼäl kʼuʼ ti känaja
Bʼiki ti jedʼeʼek ti yeʼik ti yakunaj tiʼi a Jehovah jabʼix kaʼ u yeʼaj a Jesusu?
Bʼiki ti jedʼeʼek ti yeʼik ti yakunaj tiʼijooʼ kristiyaano jabʼix kaʼ u yeʼaj a Jesusu?
Bʼikiʼil a modʼo u yeʼaj a Jesus a mas kiʼ tawich?
MAS ILATOJ
Tzʼaj ti kuentaj a modʼo yan tiʼi a Jesus a jedʼeʼek ti täkʼääntik.
«Tiʼi kaʼ ti Täkʼäänte a Jesusu, Kaʼ . . .» (Jesus—The Way, the Truth, the Life, page 317)
Kambʼalte kʼuʼkaʼa kʼabʼeet kaʼ uchukoʼon ti payajchiʼ ichil u kʼabʼaʼ a Jesusu.
«Kʼuʼkaʼa kaʼ Uchukoʼon ti Payajchiʼ Ichil u Kʼabʼaʼ a Jesusu?» (The Watchtower, February 1, 2008)
U yadʼaj wa Bʼibʼle bʼiki u chaʼanbʼäl a Jesusu?
Kʼuʼ a jedʼeʼek ti känik etel bʼiki kaʼ u trataartajooʼ ix chʼup a Jesusu?
«A Dʼioso Walak u Tzikikooʼ ix Chʼupu» (The Watchtower, September 1, 2012)