7 Yãmb na n lebga mam neba, la mam na n yɩɩ yãmb Wẽnnaam.+ Hakɩɩka, yãmb na n bãngame tɩ mam yaa a Zeova sẽn yaa yãmb Wẽnnaamã, soab ning sẽn yiisd yãmb Ezɩpt nebã tʋʋm-kɛgemsã pʋsẽ wã.

28 T’a Moyiiz yeele: “Ad bũmb ning sẽn na n kɩt tɩ yãmb bãng tɩ yaa a Zeova n tʋm maam tɩ m maand bõn-kãensã fãa, la tɩ pa maam n yãk m toorẽ yam n maand rẽ ye: 29 Nin-kãensã sã n ki wa nebã fãa sẽn kiid to-to wã, la b sɩbgrã sã n yɩ wa ninsaalbã fãa sẽn paamd sɩbgr to-to wã, rẽnd pa a Zeova n tʋm maam ye.+