10 A maana taablã ne akasiya raado.+ A woglmã ra yaa kãntɩɩg a yiibu, t’a yalmã yaa kãntɩɩg a ye, t’a zãntlmã yaa kãntɩɩg pʋɩ-sʋka.+ 11 A bolg-a-la ne sãnem halaale, la a maan kogr ne sãnem n gilg-a. 12 Rẽ poore, a maana kogr t’a yalmã zems nug-biis a naas* n gilg taablã, la a nags kogrã ne sãnem n gilgi. 13 Sẽn paase, a maana sãnem tuiids a naas taablã yĩnga, n ning tuiidsã a kɩrems a naasã, zĩig ning kars a naasã sẽn be wã. 14 Tuiidsã ra pẽe kogrã, tɩ zãad ra-bɩlem nins b sẽn tar n zãad taablã. 15 A peesa akasiya ra-bɩlmã, n bolg-b ne sãnem tɩ b tar n zãad taablã.