2 Rẽ poore, a na n talla kũunã n wa kõ a Aarõ kom-dibli wã sẽn yaa maan-kʋʋdbã. Maan-kʋʋdã na n yãka zomã ne kaamã sẽn kalem taabã nug-pidingu, la a yãk wisdã sẽn yaa pɛɛlgã, tɩ makd kũunã tõre.*+ A na n yõoga rẽ tẽn-kugrã zug t’a bug-zõosã nusi, tɩ yɩ kũun b sẽn yõogd ne bugum, tɩ tar yũ-noog* a Zeova yĩnga.

11 “‘La a sã n pa tõe n paam wal a yiib bɩ marwan-bi a yiibu, a segd n talla zom-bãaneg efa*+ pʋɩɩr a ye pʋɩ piig zug n wa kõ a yel-wẽndã yĩnga, tɩ yɩ kũun b sẽn kõt yel-wẽnd yĩnga. A pa segd n kalem kaam bɩ n dogl wisd sẽn yaa pɛɛlg a zug ye. Bala yaa kũun b sẽn kõt yel-wẽnd yĩnga. 12 A na n tall-a lame n wa kõ maan-kʋʋdã. Maan-kʋʋdã na n yãka zomã nug-pidung tɩ makd kũunã tõre.* A na n yõog-a-la tẽn-kugrã zugu, maand nins sẽn maand ne bugum n kõt a Zeova wã zugu, sẽn na yɩl t’a bug-zõosã nusi. Yaa kũun b sẽn kõt yel-wẽnd yĩnga.