9 “‘Yãmb sã n wa kẽebd y tẽngã koodo, yãmb pa segd n kẽeb sẽn be y pʋtã kɩremsã zãng ye. Yãmb pa segd n yiis kood nins sẽn pa kẽebgã poorã me ye.+

19 “Fo sã n kẽeb f pʋʋgã, n yĩm ka-gĩnd pʋʋgã pʋgẽ bɩ f ra lebg n tɩ rɩk ye. Fo segd n basa rẽ n kõ sãambã, kɩɩbsã la pʋg-kõapã,+ sẽn na yɩl tɩ fo Wẽnnaam a Zeova ning bũmb nins f sẽn maandã fãa barka.+

2 A Rut sẽn yaa Mowaab nedã yeela a Naomi yaa: “M kota sor n na n tɩ pʋgl kẽebdb nins sẽn na n maan maam neerã, n yiis+ kood b pʋtẽ wã.” T’a Naomi yeel-a yaa: “Kẽnge, m biiga.” 3 Dẽ, a Rut kẽnga pʋtẽ wã n tɩ pʋgd kẽebdbã n yiisd koodo. La a wa n tɩ kẽe pʋʋg a ye pʋgẽ, mik yaa a Bowaaz sẽn yaa a Elimelɛk buudã nedã+ pʋʋgo.+