65 Bala nin-kãens wɛɛngẽ, a Zeova ra yeelame: “B na n kii we-raoogẽ wã.”+ Sɩd me, sã n pa a Yefune biig a Kalɛɛb ne a Nun biig a Zozuwe, b ned baa a yembr ra pa ket ye.+

11 ‘Rap nins sẽn yi Ezɩptã sʋka, sẽn tar-b yʋʋm pisi bɩ sẽn yɩɩd rẽ wã pa na n yã soolem ning+ mam sẽn wẽen tɩ m na n kõo a Abrahaam ne a Izaak la a Zakoobã ye.+ Bala b pa tũ maam ne b sũy fãa ye. 12 Yaa Keniiz ned a Yefune biig a Kalɛɛbe,+ n paas a Nun biig a Zozuwe+ bal n na n yã soolmã, b sẽn tũ a Zeova ne b sũy fãa+ wã yĩnga.’

34 “Wakat kãng fãa, a Zeova wʋma bũmb ning yãmb sẽn da yetã, t’a sũurã puug t’a wẽen+ n yeele: 35 ‘Zãmaan-kãngã nebã sẽn yaa wẽnsã baa a ye pa na n yã tẽn-noogã mam sẽn wẽen tɩ m na n kõo y yaab-rãmbã ye.+ 36 Yaa a Yefune biig a Kalɛɛb bal n na n yã-a. Mam na n dɩka soolem ning pʋgẽ a sẽn kẽnã n kõ yẽ ne a kambã, bala a tũu a Zeova ne a sũur fãa.*+ 37 (Yãmb yĩnga, a Zeova sũur pʋd n yika ne maam, t’a yeele: “Fo-me pa na n kẽ tẽn-kãng pʋgẽ ye.+ 38 A Nun biig a Zozuwe sẽn yaa fo sõangdã*+ n na n kẽ soolmã pʋgẽ.+ Keng a raoodo,*+ bala yẽ n na n lʋɩ Israyɛll nebã taoor tɩ b soog soolmã.”)