3 Israyɛll nebã ra yet-b lame yaa: “A Zeova nugã sã n da kʋ tõnd Ezɩpt soolmẽ wã, d sẽn wa n zĩ nemdã rʋgd seese,+ la d sẽn wa n dɩt n tɩgdã sasa n são. La yãmb talla tõnd n wa we-ra-kãngã pʋgẽ, n na n kɩt tɩ nin-buiidã fãa ki kom.”+

28 Yeel-y-b yaa: ‘A Zeova yeelame: “Mam wẽenda ne m meng tɩ m na n maana yãmb wa mam sẽn wʋm tɩ y yetẽ wã!+ 29 Yãmb na n kii we-rao-kãngã pʋgẽ.+ Yaa yãmb sʋkã neb nins fãa sẽn tar yʋʋm pisi bɩ sẽn yɩɩd rẽ, tɩ b gʋls b yʋyã, rat n yeel tɩ yãmb fãa sẽn yẽgem ne maamã.+