30 La Hɛsbon rĩm a Siyon pa bas tõnd tɩ d pasg a soolmã ye. Bala yãmb Wẽnnaam a Zeova basame t’a lebg tõata, t’a sũurã me riglme,+ sẽn na yɩl n dɩk-a n ning yãmb nugẽ, wa sẽn yaa to-to masã wã.+

31 “Dẽ, a Zeova yeela maam yaa: ‘Ade! Mam dɩka a Siyon ne a soolmã n ning yãmb nugẽ. Sɩng-y-yã a soolmã reegre.’+ 32 A Siyon sẽn wa n yi ne a tãb-biisã fãa n seg tõnd Zahaaz+ n na n zabã, 33 tõnd Wẽnnaam a Zeova ning-a-la tõnd nugẽ, tɩ tõnd tõog yẽ ne a kom-dibli wã la a tãb-biisã fãa. 34 Wakat kãnga, tõnd reesa a tẽnsã fãa n sãam-b zãnga, la d kʋ rapã, pagbã, la kambã. D pa bas ned baa a ye t’a põs ye.+ 35 Yaa rũmsã bal la d tall n looge, n paas teed tõnd sẽn wʋk tẽns nins d sẽn deesã pʋsẽ.

7 Yãmb wa n taa zĩ-kãngã, tɩ Hɛsbon+ rĩm a Siyon ne Basan rĩm a Oog+ wa n na n zab ne tõndo, la tõnd tõog-b lame.+

19 “‘Rẽ poore, Israyɛll nebã tʋma koe-taasdb a Siyon sẽn yaa Amoor nebã rĩm n dɩt naam Hɛsbonnã nengẽ, tɩ b tɩ yeel-a yaa: “D bõos tɩ f bas tɩ d pɩʋʋg f soolmã n kẽng d zĩigẽ wã.”+ 20 La a Siyon pa kɩs Israyɛll nebã sɩd ye. Rẽ n sõ t’a pa sak tɩ b pɩʋʋg a soolmã ye. Woto wã, a tigma a tãb-biisã fãa n kẽng n tɩ tilg tãb-sik Zahaaz n na n zab ne Israyɛll nebã.+