32 A Rubɛn yagensã+ ne a Gaad yagensã+ ra tara rũms wʋsgo. B yãame tɩ Yazɛɛr+ ne Galaad soolmã zemsa ne gʋʋlgo. 2 A Gaad yagensã ne a Rubɛn yagensã kolga a Moyiizi, maan-kʋʋd a Eleazaar ne nin-buiidã nanambs n yeele: 3 “Atarote, Dibonne, Yazɛɛre, Nimra, Hɛsbonne,+ Eleyale, Sebam, Nebo+ ne Beyõ+ 4 sẽn yaa tẽns nins a Zeova sẽn sõng Israyɛll nebã tɩ b zab n deegã+ zemsa ne gʋʋlgo, tɩ yãmb tʋm-tʋmdbã yaool n tar rũms wʋsgo.”+ 5 B paasame: “Tõnd sã n taa yãmb yam, bɩ y kõ y tʋm-tʋmdbã tẽn-kãens tɩ d sooge. Ra kɩt-y tɩ tõnd rʋʋg Zʋrdẽ kʋɩlgã ye.”