3 Yãmb pa segd n tall wẽnnaam-dãmb a taab n zʋʋg maam ye.+

4 “Yãmb pa segd n pees bõn-naandg y mens yĩnga, wall y maan bũmb sẽn be saasẽ, sẽn be tẽngã zugu, bɩ sẽn be koomã pʋgẽ wõneg ye.+ 5 Yãmb pa segd n wõgemd b taoore, bɩ n bas tɩ b belg-y tɩ y waoog-b ye.+ Bala maam a Zeova sẽn yaa yãmb Wẽnnaamã yaa Wẽnnaam sẽn dat tɩ b waoog yẽ a ye tãa,+ la sẽn sɩbgd neb nins sẽn kis maamã kamb la b yagense, hal n tãag b zãmaan a tãab-n-soab ne a naas-n-soaba, b ba-rãmbã beegr yĩnga. 6 La mam maanda neb nins sẽn nong maam la b tũud mam noyã neere, hal n tãag b zãmaan tusr soabã.+

35 A Zeova sẽn maan kaoolã ne Israyɛll nebã,+ a ra yeel-b lame: “Yãmb pa segd n zoe wẽnnaam-dãmb a taaba, la y pa segd n wõgemd b taoore, bɩ n tũ-b wall y maan maand n kõ-b ye.+