14 Nin-buiidã sẽn wʋm nanambsã sẽn yeel bũmb ninsã, b zẽka b koees n kaase, la b yãb yʋngã tõre.+ 2 Israyɛll nebã fãa sɩnga yẽgeng ne a Moyiiz la a Aarõ.+ Nin-buiidã fãa ra gomda bãmb n yetẽ yaa: “Tõnd sã n da ki Ezɩpt soolmẽ wã, wall d ra ki we-raoogẽ wã n são! 3 Bõe yĩng t’a Zeova tar tõnd n dabd soolem-kãng pʋgẽ tɩ b na n kʋ-d ne sʋʋse?+ B na n yõga tõnd kambã ne d pagbã n looge.+ D sẽn lebd Ezɩpt pa são sɩda?”+ 4 B ra yeta taab meng yaa: “Bɩ d yãk ned t’a lʋɩ tõnd taoore, tɩ d leb Ezɩpti!”+