16 Bala mam kisa* kãadem kaoobo,+ la ned ning sẽn tʋmd nen-kɛglem tʋʋma.” Yaa Israyɛll Wẽnnaam a Zeova n yeele. “Woto wã, gũus-y y mens ne yam ning y sẽn tarã, la y ra maan zãmb ye.”+ Yaa a Zeova sẽn yaa tãb-biis naabã n yeele.

19 La a sɩd a Zozɛf sẽn yaa nin-tɩrga, n pa rat n ning-a yãnd nebã nifẽ wã yĩnga, a ra magdame n na n soos n bas-a.+

3 La Fariziyẽ-rãmb n wa a Zeezi nengẽ n dat n mak-a. B sok-a lame yaa: “Zemsa ne tõogã tɩ rao kao kãadem ne a pag bũmb fãa poorẽ bɩ?”+ 4 T’a leok n yeele: “Yãmb nan pa karem tɩ sẽn naan-a bãmb hal sɩngrẽ wã naan-b-la rao la paga,+ 5 la t’a yeelame: ‘Yaa rẽ n kɩt tɩ rao na n bas a ba ne a ma n tɩ zĩnd ne a paga,* la b yiibã na n yɩɩ yĩng a yembr’+ la? 6 Dẽnd bãmb pa le yaa yiib yɛs ye. B lebga yĩng a yembre. Woto wã, bũmb nins Wẽnnaam sẽn lagem taabã, bɩ ned ra welg-b ye.”+ 7 Bãmb soka a Zeezi yaa: “La bõe yĩng t’a Moyiiz yeel tɩ b segd n kõo pag basg sebr n kao kãadem ne-a?”+ 8 T’a Zeezi yeel-ba: “Yaa yãmb sũyã sẽn yaa kɛgemsã yĩng la a Moyiiz sẽn kõ yãmb sor tɩ y tõe n bas y pagbã.+ La ra pa woto hal sɩngrẽ wã ye.+