33 Dẽ, a Moyiiz kõo a Gaad yagensã ne a Rubɛn yagensã+ la a Zozɛf biig a Manase buudã pʋɩ-sʋk+ Amoor nebã rĩm a Siyon soolmã,+ ne Basan rĩm a Oog soolmã.+ Yaa soolem-kãens ne b galʋ-tẽnsã, la tẽns nins sẽn gũbg-bã.

12 Ad soolem ning tõnd sẽn deeg wakat kãngã: Yaa Arowɛɛr+ sẽn be Arno longã* noorã, la Galaad soolmã sẽn be tãensẽ wã pʋɩ-sʋka. La m dɩka soolmã tẽnsã n kõ a Rubɛn yagensã ne a Gaad yagensã.+ 13 Mam dɩka Galaad soolmã sẽn ketã, ne Basan fãa sẽn yaa rĩm a Oog rĩungã n kõ Manase buudã pʋɩ-sʋkã.+ B ra boonda Argoob soolmã fãa sẽn be Basannã tɩ Refayim nebã soolem.