16 La ad bũmb ning yĩng mam sẽn bas tɩ fo ket n vɩ wã: Yaa sẽn na n wilg foo m pãngã, la sẽn na yɩl tɩ b moon mam yʋʋrã dũniyã gill zugu.+

10 Buud nins fãa sẽn be tẽngã zugã segd n yãame tɩ b boonda yãmb ne a Zeova yʋʋre,+ la b zoe yãmba.+

43 bɩ y zĩnd saasẽ, zĩig ning yãmb sẽn be wã,+ n kelg la y maan sãanã sẽn kos bũmb ning fãa, sẽn na yɩl tɩ dũniyã nebã fãa bãng yãmb yʋʋrã la b zoe yãmba,+ wa Israyɛll nebã sẽn yaa y nin-buiidã sẽn zoet yãmbã, la b bãng me tɩ yãmb yʋʋrã bee ro-kãngã mam sẽn me wã zugu.

19 La masã, tõnd Wẽnnaam a Zeova, d kotame tɩ y fãag tõnd a nugẽ tɩ dũniyã soolem toɛy-toɛyã fãa bãng tɩ yãmb a Zeova y yembr bal n yaa Wẽnnaam.”+

29 Woto wã, ad noor mam sẽn yiisi: Ned sã n gom n paoog a Sadrak ne a Mesak la a Abɛɛdnego Wẽnnaamã, baa a sẽn yaa buud ning neda, a sẽn yit tẽng ning wall a sẽn gomd buud-gomd ninga, b segd n bees-a lame, la b kɩt t’a zakã lebg zãma wã we-kɛɛng zĩiga.* Bala wẽnnaam a to kae n tõe n fãag ned wa Wẽnnaam-kãng ye.”+