7 Bala yãmb Wẽnnaam a Zeova tara yãmb n dabd tẽn-noogẽ.+ Yaa tẽng sẽn tar kʋɩls la ko-bunds* sẽn bund tẽn-nabrẽ, la tãensã zutu. 8 Yaa tẽng sẽn tar bɩle ne orze,* viyn biisi, kankamse, gernaad tɩɩse,+ oliiv kaam la sɩɩdo.+ 9 Rɩɩb pa na n paoog tẽn-kãng pʋgẽ ye. Bũmb pa na n paoog yãmb me ye. Tẽngã kugã tara kutu. Yãmb na n yãkda zũud a tãensã pʋsẽ.

28 Rẽ n so t’a Zeova yiis-b b soolmã pʋgẽ ne sũ-pu-kãseng+ la ne sũ-kãbr wʋsgo, n tall-b n kẽng soolem a to pʋgẽ, zĩig ning b sẽn be rũndã wã.’+

15 La wa kãab-nood nins fãa yãmb Wẽnnaam a Zeova sẽn pʋlem yãmbã sẽn pidsã,+ woto me, a Zeova na n kɩtame tɩ yel-beed ning a sẽn pʋlmã* wa yãmb zugu, la a na n menesa yãmb tẽn-noogã yãmb Wẽnnaam a Zeova sẽn kõ yãmbã pʋgẽ.+

6 Rĩm a Ooze naamã yʋʋm a wɛ soabã, Asiiri rĩmã tõog n deega Samari.+ Yẽ talla Israyɛll nebã n kẽng yembd+ Asiiri, n tɩ zĩnig-b Hala ne Haboor sẽn be Gozan kʋɩlgã noorã,+ la Meed-rãmbã tẽnsã pʋsẽ.+