4 Zida rĩm a Sedesiyaas pa na n põs Kalde nebã nusẽ ye. Sãmbg sẽn kae, b na n dɩk-a lame n ning Babilon rĩmã nugẽ. A na n goma ne-a neng ne nenga, la a yã a mengã.”’+ 5 ‘A na n talla a Sedesiyaas n kẽng Babilonne, t’a pa be n tãag m sẽn na n tẽeg a yelle.’ Yaa a Zeova n yeele. ‘Baa yãmb sẽn ket n zabd ne Kalde nebã, yãmb pa na n tõog ye.’”+

12 Naab ning sẽn be b sʋkã na n palga a teedã a bãokẽ n loog lik pʋgẽ. A na n pooga lalgã n wʋk a teedã n tũnug be n yiisi.+ A na n luda a nengã sẽn na yɩl n da yã tẽn-gãongã ye. 13 Mam na n loba m gãmbrã a zugu. Mam tãoosgã gãmbr na n yõk-a lame.+ Rẽ poore, mam na n tall-a lame n kẽng Babilonne, Kalde nebã soolmẽ wã, la a pa na n yã-a ye. A na n kii be.+

16 “‘A Zeova sẽn yaa Zu-soab sẽn ka to wã yeelame: “M wẽenda ne m meng t’a na n kii Babilonne, zĩig ning rĩm* ning sẽn kɩt t’a* lebg rĩmã sẽn be wã, rat n yeel tɩ rĩm ning wẽeneg a sẽn paooge, la a sãam a kaoolã.+