8 Rẽ wã, tɩ yeel mam tʋm-tʋmd a Davɩɩd t’a Zeova sẽn yaa tãb-biis naabã yeelame yaa: “Fo ra bee weoogẽ n gũud rũmsi,+ tɩ mam wa yiis foo be n kɩt tɩ f lebg Israyɛll nebã sẽn yaa mam nin-buiidã taoor soaba.+

18 Rĩm a Davɩɩd sẽn wʋm dẽ wã, a tɩ zĩnda a Zeova taoor n yeele: “Zu-soab sẽn ka to a Zeova, mam yaa ãnda, la m doogã rãmb yaa ãnd rãmb tɩ yãmb maan woto fãa n kõ maam?+ 19 Zu-soab sẽn ka to a Zeova, woto fãa ket n pa sek yãmba, tɩ y yeel tɩ y tʋm-tʋmdã roog rãmb na n kaoosa hal wʋsgo. Zu-soab sẽn ka to a Zeova, rẽ yaa noor ãdem-biisã fãa yĩnga. 20 Zu-soab sẽn ka to a Zeova, bõe la maam a Davɩɩd sẽn yaa yãmb tʋm-tʋmdã tõe n le yeel n paase? Bala yãmb mii maam sõma.+