31 Ad neb nins a Davɩɩd sẽn yãk tɩ b ra get yɩɩlã yell a Zeova roogẽ wã, wakat ning b sẽn tall Koglgã n wa bĩng be wã.+ 32 Yaa bãmb n ges yɩɩlã yell sɛk-roogẽ wã, n tãag wakat ning a Salomo sẽn me a Zeova roogã Zerizalɛmmã.+ Bãmb tʋma b tʋʋmdã wa b sẽn wilg-b to-to wã.+

16 A Davɩɩd yeela Levi buudã nanambsã tɩ b yãk yɩɩn-yɩɩndb b ba-biisã sʋka, tɩ b yɩɩl ne sũ-noogo, ne yʋʋm-teed toor-toore: Yaa yʋʋm-teed sẽn tar rissi, pends+ la waase.+

37 Rẽ poore, a Davɩɩd basa a Azaf+ ne a ba-biisã a Zeova kaoolã koglgã taoore, tɩ b na n tʋmd Koglgã taoor wakat fãa,+ wa sẽn zems daar fãa tʋʋmã.+

42 A Heman+ ne a Yedutun ra bee ne bãmba, n na n peebd tãntãado, n wẽed waase, la b reemd ne yʋʋm-teed nins b sẽn tar n pẽgd Wẽnnaamã. La a Yedutun kom-dibli+ wã ra bee rignoorẽ wã.

25 Sẽn paase, a Davɩɩd ne tʋʋmdã sulã taoor dãmb welga a Azaf ne a Heman la a Yedutun+ kom-dibli kẽer tɩ b na n wẽed pendse, yʋʋm-teed sẽn tar riss+ la waase,+ n togsd bãngr-goama. Ad rap nins b sẽn yãk tʋʋm-kãngã yĩngã yʋya: