12 mam na n maana bũmb ning fo sẽn kosã.+ Mam na n kõ-f-la yam ne bãngr+ ned baa a ye sẽn zɩ n paame, sẽn deng foo bɩ sẽn na n yaool n wa fo poore.+ 13 Sẽn paase, mam na n kõo foo baa bũmb nins fo sẽn pa kosã.+ Mam na n kõ-f-la arzɛk la ziiri,+ hal tɩ f yõor tɛk bɩ rĩm da zĩnd n wõneg foo ye.+

29 Wẽnnaam kõo a Salomo yam ne bãngr hal wʋsgo, la minim wʋsg wa bĩisrã sẽn be mogrã noorã.+

23 Woto, rĩm a Salomo arzɛkã+ ne a yamã+ ra yɩɩda dũniyã rĩm-dãmb a taabã fãa. 24 Sẽn paase, dũniyã fãa neb ra tʋll n yãa a Salomo n paam n kelg a yam goamã Wẽnnaam sẽn kõ-a wã.*+ 25 B ned kam fãa ra wata ne kũuni: Yaa teed sẽn maan ne wanzuri, teed sẽn maan ne sãnem, futu, zab-teedo, bomiye kaam,* wed-moos la bõn-weese.* B ra maanda woto yʋʋmd fãa.