12 A Roboam kẽnga Sikɛm,+ bala Israyɛll nebã fãa ra waa be n na n yãk-a t’a lebg rĩma.+ 2 A Nebat biig a Zerobowam wʋma rẽ. (Wakat kãng t’a ket n bee Ezɩpti, bala a ra zoee rĩm a Salomo yĩng n tɩ be Ezɩpti.)+ 3 Woto, bãmb tʋmame tɩ b tɩ bool a Zerobowam. Rẽ poore, yẽ ne Israyɛll nin-buiidã fãa waa a Roboam nengẽ n yeel-a yaa: 4 “Yãmb ba wã kɩtame tɩ tõnd zɩɩbã yaa zɩsgo.+ La yãmb sã n yols tʋʋm-toogã y ba wã sẽn kõ tõndã, n kɩt tɩ zɩɩb ning a sẽn dogl tõndã lebg faasga, tõnd na n saka yãmba.”