12 A Zerobowam ne nin-buiidã fãa kẽnga a Roboam nengẽ rasem a tãab-n-soabã daare, wa rĩmã sẽn da yeel-b tɩ b lebg n wa ka la rasem a tãabã.+ 13 La rĩmã leoka nin-buiidã ne mo-beedo, n bas saglg ning nin-kẽembã* sẽn kõ-a wã. 14 A tũu kom-bɩɩsã saglgã n yeel-b yaa: “Mam ba wã kɩtame tɩ yãmb zɩɩbã yaa zɩsgo, la mam na n paasa y zɩɩbã. Mam ba wã sɩbga yãmb ne sãbse, la mam na n sɩbga yãmb ne kalwaas-rãmba.” 15 Woto, rĩmã pa kelg nin-buiidã ye. Bala a Zeova n da rat tɩ yɩ woto,+ sẽn na yɩl t’a Zeova sẽn da kɩt tɩ Sɩlo rao a Ahiya+ togs a Nebat biig a Zerobowam bũmb ningã pidsi.