3 A Zeova kell n zĩnda ne a Zozafate, a sẽn dɩk a yaab a Davɩɩd naoor+ n pa bao Baal-dãmbã yĩnga. 4 Bala yẽ baoo a ba wã Wẽnnaamã,+ n tũ a noyã, la a pa maan wa Israyɛll nebã ye.+

2 La bãngd* a Hanani+ biig a Zehu+ yiime n tɩ seg rĩm a Zozafat n yeel-a yaa: “Yaa nin-wẽns la yãmb segd n sõng bɩ?+ Yaa neb nins sẽn kis a Zeova wã la yãmb segd n nongẽ sɩda?+ Yãmb sẽn maan woto wã kɩtame t’a Zeova sũur puud ne yãmba. 3 Baasgo, b yãa bõn-sõma yãmb nengẽ.+ Bala yãmb menesa ra-lugsã b sẽn lugl n pʋʋsdẽ* wã soolmã pʋgẽ, la y yãka yam y sũur pʋgẽ* n na n bao Wẽnnaam sɩd-sɩdã.”+