34 “Wakatã sẽn wa n sa wã,+ maam a Nebukadnezaar zẽka m neng n ges saasẽ, tɩ m yamã lebg n wa. Mam pẽga Sẽn ka-a to wã. Mam pẽga Soab ning sẽn vɩ wakat fãa wã la m kõ-a ziiri, bala a naamã yaa naam sẽn paad wakat fãa, t’a rĩungã kaoosd zãmaan woo zãmaana.+ 35 Ninsaalbã fãa sẽn be tẽngã zugã yaa wa zaalem yẽ taoore. A maanda a sẽn dat saasẽ tãb-biisã ne ninsaalbã sẽn be tẽngã zugã sʋka. Ned kae n tõe n gɩdg-a,+ wall a sok-a yaa: ‘Yaa bõe la yãmb sẽn maanã?’+