5 Rao a ye sẽn yaa Zʋɩf n da be Suuz+ sẽn yaa na-yirã,* t’a yʋʋr boondẽ t’a Mardose.+ A yaa a Zayɩɩr biiga, t’a Zayɩɩr yaa a Simeyi biiga, t’a Simeyi yaa a Kis biiga. Yẽ ra yaa Bẽnzame buudã neda.+ 6 A ra naaga neb nins Babilon rĩm a Nebukadnezaar sẽn yõg Zerizalɛm n paas Zida rĩm a Zekoniya*+ n kẽng yembdã.

8 Rẽ poore, a Haman yeela rĩm a Asuerus yaa: “Buud n be, t’a nebã sãeeg n be buud toor-toorã sʋka,+ yãmb soolmã fãa pʋgẽ.+ B tõodã yaa toor ne buud a taabã tõodo. Sẽn paase, b pa sakd rĩmã tõodã ye. B sã n bas-b tɩ b ket n beẽ, pa na n yɩ rĩmã nafr ye.