• Yɩɩn-sõamyã 15:1-5
    Gʋls-sõamyã, Dũni-paalgã lebgre

    • 15 Zeova, ãnda n tõe n sig sãand yãmb fu-roogẽ wã?

      Ãnda n tõe n zĩnd yãmb tãn-sõngã zugu?+

       2 Yaa ned ning sẽn kẽnd ne burkĩndi,*+

      sẽn maand sẽn yaa tɩrga,+

      la sẽn togsd a meng sɩda.*+

       3 A pa tar a zɩlemdã n maand munaafɩglem,+

      a pa maand a to wẽnga,+

      la a pa sãamd a zo-rãmb yʋy me ye.*+

       4 A zãagda a meng ne ned sẽn ka barka,+

      la a waoogda neb nins sẽn zoet a Zeova wã.

      A sã n maan pʋlenga,* a pa lebsd a noorã poorẽ, baa sã n wa yaa toog ne-a.+

       5 A pa pengd ned ligd n dogl yõodo,+

      a pa reegd noor-madgr n dõd bʋʋm soab me ye.+

      Ned ning fãa sẽn maand woto pa na n tol n maan yɩɩr ye.+

  • Yɩɩn-sõamyã 84:1-4
    Gʋls-sõamyã, Dũni-paalgã lebgre

    • 84 Tãb-biis naab a Zeova,

      ad yãmb sɛk-roogã sẽn yaa kãsengã sɩd bee rasãnde!+

       2 Mam mengã tõr* data

      a Zeova samanã.+

      Mam pãngã saame, mam sẽn dat-b ne m sũur fãa wã yĩnga.

      Mam sũurã ne m yĩn-nemsã kaasda ne sũ-noogo, Wẽnnaam ning sẽn vɩ wã yĩnga.

       3 Tãb-biis naab a Zeova

      sẽn yaa mam Rĩm la m Wẽnnaam,

      baa bõn-yɩgdg paamda roog yãmb tẽn-kug-kãsengã sɛɛga!

      Sɩlaallã me tɩʋta tʋk a meng yĩnga,

      n get a kambã yell be!

       4 Sũ-noog rãmb la neb nins sẽn be yãmb roogẽ wã!+

      B pẽgda yãmb+ wakat fãa. (Sela)