Watchtower SƐB VAEESG ZĨIGA

Watchtower SƐB VAEESG ZĨIGA

SƐB VAEESG ZĨIGA

Tõodo 4:34

Gʋls-sõamyã, Dũni-paalgã lebgre
- 34 Wẽnnaam zoe n makame n na n yãk buud a mengã yĩng buud a to sʋka, n tũnug ne bʋ-kaoor toor-toore, ne bãna, ne yel-soalma,+ ne zabre,+ ne nug sẽn tar pãnga,+ ne kang sẽn tar pãnga, la ne tʋʋm-kãsems sẽn kẽesd rabeem,+ wa yãmb Wẽnnaam a Zeova sẽn maan yãmb yĩng Ezɩpt soolmẽ wã yãmb nifẽ wã sɩda?

Neemi 9:10

Gʋls-sõamyã, Dũni-paalgã lebgre
- 10 Yãmb maana bãn la yel-soalem n sɩbg a Farawõ ne a tʋm-tʋmdbã la a tẽngã nebã fãa,+ bala yãmb bãngame tɩ b ra namsda yãmb nin-buiidã ne wuk-m-menga.+ Yãmb kɩtame tɩ y yʋʋrã yi hal n tãag rũndã.+

Yɩɩn-sõamyã 105:27-36

Gʋls-sõamyã, Dũni-paalgã lebgre
- 27 B maana Wẽnnaam bãnã bãmb sʋka.
  B maana a yel-soalmã a Kam soolmẽ wã.+
  
  28 Wẽnnaam tʋma lika, tɩ soolmã lebg lika.+
  B* pa kɩɩs a goamã ye.
  
  29 A toeema b koomã tɩ lebg zɩɩm,
  n kʋ b zĩmã.+
  
  30 B soolmã pida ne lomse,+
  baa rĩmã ro-gãasẽ.
  
  31 Wẽnnaam kɩtame tɩ kɛɛda wa pid b soolmã fãa,
  n paas rũmpigli.+
  
  32 A kɩtame tɩ b sa-koomã lebg sapɩlma,
  la a kɩt tɩ sa-yãgb* zĩnd b soolmẽ wã.+
  
  33 A sãama b viyn tɩɩsã ne b kankamsã,
  la a kao b soolmã tɩɩs a taabã.
  
  34 A yeelame tɩ sʋy pid soolmã.
  Yaa sʋy sẽn pa tõe n yɩge, tɩ b sõorã yaa ka tɛka.+
  
  35 B rɩɩ soolmã moodã la a tɩɩsã fãa,
  la b rɩ tẽngã bõn-koaadlã biisi.
  
  36 Rẽ poore, Wẽnnaam kʋʋ b soolmã bi-rẽeng fãa,+
  rat n yeel tɩ b pipi biig fãa.*