13 Woto, Ezɩpt nebã kẽesa Israyɛll nebã yembdo, n modgd-b tɩ b tʋmd tʋʋm-kɛgemse.+ 14 B kɩtame tɩ b vɩɩmã lebg toog tʋʋm-kɛgemsã yĩnga, bala b ra tʋmda ne tãn-maas la tãn-koɛɛma, la b tʋmd yembd tʋʋm buud toor-toor pʋtẽ wã. Sɩd-sɩda, Ezɩpt nebã weoog-b-la ne toolem tɩ b tʋm tʋʋm buud toor-toor yembs sẽn tʋmde.+

6 “Woto wã, yeel Israyɛll nebã yaa: ‘Mam yaa a Zeova. Mam na n yiisa yãmb Ezɩpt nebã tʋʋm-kɛgemsã pʋsẽ la b yembdã pʋgẽ.+ Mam na n fãaga yãmb ne kang sẽn tar pãnga,* la m sɩbg Ezɩpt nebã sõma.+