2 “Mam yaa yãmb Wẽnnaam a Zeova, soab ning sẽn yiis yãmb Ezɩpt soolmẽ wã, tẽng ning pʋgẽ y sẽn da yaa yembsã.+ 3 Yãmb pa segd n tall wẽnnaam-dãmb a taab n zʋʋg maam ye.+

4 “Yãmb pa segd n pees bõn-naandg y mens yĩnga, wall y maan bũmb sẽn be saasẽ, sẽn be tẽngã zugu, bɩ sẽn be koomã pʋgẽ wõneg ye.+ 5 Yãmb pa segd n wõgemd b taoore, bɩ n bas tɩ b belg-y tɩ y waoog-b ye.+ Bala maam a Zeova sẽn yaa yãmb Wẽnnaamã yaa Wẽnnaam sẽn dat tɩ b waoog yẽ a ye tãa,+ la sẽn sɩbgd neb nins sẽn kis maamã kamb la b yagense, hal n tãag b zãmaan a tãab-n-soab ne a naas-n-soaba, b ba-rãmbã beegr yĩnga.

13 Yaa yãmb Wẽnnaam a Zeova la y segd n zoe.+ Yẽ la yãmb segd n tũ.+ Yaa ne yẽ yʋʋr me la y segd n wẽendẽ.+ 14 Yãmb pa segd n tũ wẽnnaam-dãmb a taaba, rat n yeel tɩ buud nins fãa sẽn gũbg yãmbã wẽnnaam-dãmb ye.+