13 “Yãmb segd n gũusame n maan bũmb ning fãa mam sẽn yeel yãmbã.+ Yãmb pa segd n pʋd wẽnnaam-dãmb a taab yʋy ye. B pa segd n wʋm b yʋyã yãmb noorẽ ye.+

6 “Masã, yãmb segd n kenga y mens sõma, n sak la y tũ bũmb nins fãa sẽn gʋls a Moyiiz Tõogã sebr pʋgẽ wã,+ n da bʋdg rɩtg wall goabga,+ 7 n da naag bu-zẽmsã+ sẽn ket yãmb sʋkã ye. Yãmb pa segd meng n pʋd b wẽnnaam-dãmbã yʋya,+ wall y wẽen ne bãmb ye. Y pa segd n tũ bãmb a bada, bɩ n wõgemd bãmb taoor ye.+