11 “A Eleazaar biig a Fineyaas+ sẽn yaa maan-kʋʋd a Aarõ yagengã kɩtame tɩ m sũurã sẽn da puud ne Israyɛll nebã sigi. Bala a pa sak tɩ b na n waoog wẽnnaam a to n zʋʋg maam ye.+ Yaa rẽ yĩng la mam sẽn pa sãam Israyɛll nebã, baa mam sẽn dat tɩ b waoog maam m ye tãa balã.+ 12 Rẽ wã, yeel-a tɩ ‘mam na n maana laafɩ kaool ne-a. 13 Na n yɩɩ kaool sẽn paad wakat fãa sẽn na yɩl tɩ yẽ ne a kambã la a yagensã sẽn na n pʋgl yẽ wã yɩ maan-kʋʋdba.+ Bala a pa sak tɩ b na n waoog wẽnnaam a to n zʋʋg maam ye.+ Sẽn paase, a maana paasg* Israyɛll nebã yĩnga.’”