6 Israyɛll nebã le maana sẽn yaa wẽng a Zeova nifẽ.+ Bãmb sɩngame n pʋʋsd Baal-rãmbã,+ a Astarte bõn-naandsã, Aram* wẽnnaam-dãmbã, Sɩdõ wẽnnaam-dãmbã, Mowaab wẽnnaam-dãmbã,+ Amon nebã wẽnnaam-dãmbã+ la Filisti nebã wẽnnaam-dãmbã.+ Bãmb basa a Zeova n pa le tũud-a ye. 7 Dẽ, a Zeova sũur puuga ne Israyɛll nebã, t’a ning-b* Filisti ne Amon nebã nugẽ.+ 8 Woto, bãmb weooga Israyɛll nebã, n nams-b wʋsg yʋʋm-kãngã. Bãmb namsa Israyɛll nebã yʋʋm piig la a nii Zʋrdẽ kʋɩlgã rʋʋnd ning sẽn be Galaade, Amoor nebã soolmẽ wã.