• Ezayi 40:9
    Gʋls-sõamyã, Dũni-paalgã lebgre

    •  9 Foom a pag sẽn tar koe-noog n na n taas Siyõ,+

      rʋ tãn-lug-lug zugu.

      Foom a pag sẽn tar koe-noog n na n taas Zerizalɛm,

      zẽk f koɛɛg ne pãnga.

      Zẽk f koɛɛg la f ra yɛɛs ye.

      Yeel Zida tẽnsã yaa: “Ad yãmb Wẽnnaamã.”+

  • Zeremi 31:12
    Gʋls-sõamyã, Dũni-paalgã lebgre

    • 12 B na n waame, n kaas sũ-noog Siyõ zĩ-zãntgẽ wã.+

      B sũy na n yɩɩ noog wʋsg a Zeova sõmblmã* yĩnga,

      b sẽn na n paam koodo, divẽ-paalga,+ kaam,

      n paas rũm-bõonegã la rũm-bɛdã kambã yĩnga.+

      B* na n lebga wa zẽed zĩig sẽn paamd koom sõma.+

      B pãngã pa na n tol n le boog ye.”+

  • Zeremi 33:10, 11
    Gʋls-sõamyã, Dũni-paalgã lebgre

    • 10 “Ad a Zeova sẽn yeele: ‘Zĩ-kãngã yãmb sẽn na n yeel t’a yaa zĩ-vɩʋʋgo, tɩ ned wall yir dũng pa be a pʋgẽ wã, rat n yeel tɩ Zida tẽnsã la Zerizalɛm soayã sẽn yaa vɩɩd tɩ ned wall yir dũng pa le be be wã pʋgẽ, b na n le wʋma 11 kɩdeng la sũ-noog rãamde,+ pʋg-paal ne pʋg-paal sɩd koɛɛga, la b wʋm neb nins sẽn yete: “Pʋʋs-y-yã a Zeova sẽn yaa tãb-biis naabã barka, bala a Zeova yaa sõma.+ A maan-neerã paada wakat fãa!”’+

      “‘B na n talla bark pʋʋsg maand n wa a Zeova roogẽ wã,+ bala mam na n talla soolmã neb nins sẽn be yembdã n lebg n wa wa sɩngrẽ wã.’ Yaa a Zeova n yeele.”