• Ezayi 1:23
    Gʋls-sõamyã, Dũni-paalgã lebgre

    • 23 Yãmb nanambsã yaa tʋb-pa-wʋmdba, la wagda tʋmd-n-taase.+

      B ned kam fãa nonga noor-madgre, la a zoet n pʋgd kũuni.+

      Bãmb pa kaood kɩɩb* bʋʋd tɩrga,

      la pʋg-kõor sã n tar a yell n dat tɩ b bʋ, b toog kae ye.+

  • Zeremi 5:26-28
    Gʋls-sõamyã, Dũni-paalgã lebgre

    • 26 Bala nin-wẽns n be mam nin-buiidã sʋka.

      B gũusda wakat fãa wa liuun-bẽtb sẽn wat n wũga.

      B bẽta bẽdg sẽn kʋʋda.

      Yaa ninsaalb la b yõgda.

      27 B rotã pida ne zãmb paoongo,+

      wa koyong sẽn pid ne liuuli.

      Yaa rẽ n kɩt tɩ b lebg pãens rãmb la arzɛgs rãmbã.

      28 B nobame n salge.

      B pida ne wẽnem.

      B pa sõngd kɩɩbs* bʋʋd zĩigẽ+

      sẽn na yɩl tɩ b paam bʋʋm ye.

      B mongda naong rãmb bʋʋm.’”+

  • Mise 2:1, 2
    Gʋls-sõamyã, Dũni-paalgã lebgre

    • 2 “Toog bee ne neb nins sẽn magd mag-wẽnsã,

      neb nins sẽn gãe b gãas zut n tagsd n na n maan wẽngã!

      Beoogã sã n vẽege, b pidsda b magbã,

      bala b tara tõog n na n maan dẽ.+

       2 B sã n tʋlg pʋʋgo, b yõkd n deegame.+

      B sã n tʋlg roog me, b reegd-a lame.

      B maanda zãmb n deeg ned roogo,+

      la b maan zãmb n deeg a rogem-pʋɩɩre.