20 Dẽ, a yeela a Hilkiya, a Safan biig a Ahikam,+ a Mise biig a Abdon ne seb-gʋlsd a Safan la rĩmã tʋm-tʋmd a Aazaya yaa: 21 “Kẽng-y n tɩ sok-y-yã a Zeova mam yĩnga, la neb nins sẽn ket Israyɛll ne Zida wã yĩnga, sebrã b sẽn yã wã goamã wɛɛngẽ. Bala sũ-puugr ning a Zeova sẽn na n sik tõnd zugã yaa wʋsgo, d yaab-rãmbã sẽn pa tũ a Zeova goamã, b sẽn pa tũ bũmb ning fãa sẽn gʋls seb-kãngã pʋgẽ wã yĩnga.”+

24 La a Safan+ biig a Ahikam+ sõnga a Zeremi, tɩ b pa rɩk-a n ning nin-buiidã nusẽ tɩ b kʋ-a ye.+