15 Bãmb yaab-rãmbã Wẽnnaam a Zeova ra tʋmda koe-taasdb bãmb nengẽ tɩ b keoogd-ba, n keoogd-b n yɩlemdẽ. Bala a ra zoeta a nebã nimbãanega, la a ra pa rat tɩ b sãam a roogã ye. 16 La bãmb ra yaanda Wẽnnaam koe-taasdbã,+ n paoogd a goamã+ la b laad a no-rɛɛsdbã+ hal t’a Zeova sũur wa puug ne bãmb+ tɩ tɩɩm kae ye.

24 La b pa kelg ye. B pa kɩll b tʋb n kelg maam ye.+ B pʋd n kẽna wa sẽn zems b mag-wẽnsã,* n diglim b sũyã n tũ b sũyã sẽn yaa wẽnsã.+ B targ n leba poorẽ, n pa kẽng taoor ye. 25 Yaa sẽn sɩng daar ning y yaab-rãmbã sẽn yi Ezɩpt soolmẽ wã n tãag rũndã.+ Rẽ n so tɩ mam da tʋmd no-rɛɛsdbã sẽn yaa m tʋm-tʋmdbã fãa yãmb nengẽ. M da tʋmd-b-la beoog sẽn vẽeg fãa. M tʋm-b-la naoor wʋsgo.*+ 26 La nin-kãensã zãgsame tɩ b kõn kelg maam ye. B pa kɩll b tʋb n kelg maam ye.+ B pʋd n diglma b sũyã,* n maan sẽn yaa wẽng n yɩɩd b yaab-rãmbã!

15 Mam da tʋmda no-rɛɛsdbã sẽn yaa m tʋm-tʋmdbã fãa yãmb nengẽ. M tʋm-b-la naoor wʋsg*+ n yeele: ‘M bõos tɩ y ned kam fãa bas a manesem-wẽnsã+ la a maan sẽn yaa tɩrga! Ra tũ-y wẽnnaam-dãmb a taaba, la y waoog-b ye. Rẽ la y na n kell n zĩnd soolem ning mam sẽn kõ yãmb ne y yaab-rãmbã pʋgẽ.’+ La yãmb pa kelg ye. Y pa kɩll y tʋb n kelg maam ye.