11 A Sedesiyaas+ sẽn deeg naamã t’a tara yʋʋm pisi la a yembre, la a rɩɩ naam yʋʋm piig la a ye Zerizalɛm.+

13 Sẽn paase, yẽ tõdgame t’a kõn sak rĩm a Nebukadnezaar+ sẽn da kɩt t’a wẽen ne Wẽnnaamã ye. Yẽ kell n yẽda a tʋb n diglim a sũur n tõdg t’a kõn lebg n wa Israyɛll Wẽnnaam a Zeova nengẽ ye.

15 La rĩmã wa n kɩɩs-a lame,+ n tʋm a koe-taasdbã Ezɩpti, sẽn na yɩl n paam wed-moos+ la tãb-biis wʋsg Ezɩpt nebã nengẽ.+ A na n tõogame sɩda? Sẽn maand-a bõn-kãensa wã na n põsa sɩbgr sɩda? A tõe n sãama kaoolã n baas n põs sɩda?’+