• Zeremi 5:12, 13
    Gʋls-sõamyã, Dũni-paalgã lebgre

    • 12 “B zãgsa a Zeova la b yetẽ yaa:

      ‘A pa na n maan baa fʋɩ ye.*+

      Yel-beed pa na n paam tõnd ye.

      D pa na n yã zabr wall kom ye.’+

      13 No-rɛɛsdbã gomda gom-vɩɩdo.

      Wẽnnaam gomdã pa be b pʋsẽ ye.

      Bɩ b lebg zaalem wa b goamã sẽn yaa to-to wã!”

  • Zeremi 23:15
    Gʋls-sõamyã, Dũni-paalgã lebgre

    • 15 Woto wã, ad Israyɛll Wẽnnaam a Zeova sẽn yaa tãb-biis naabã sẽn yeele, n ning no-rɛɛsdbã taale:

      “Mam na n kɩtame tɩ b wãb absẽnte,*

      la b yũ koom sẽn yaa zẽnem.+

      Bala Zerizalɛm no-rɛɛsdbã kɩtame tɩ wẽn-kɩɩsgã piuug soolmã tõre.”

  • Ezekɩyɛll 13:9
    Gʋls-sõamyã, Dũni-paalgã lebgre

    • 9 Mam na n tẽega m nug n sɩbg no-rɛɛsdb nins vẽnegr sẽn yaa ziri, la sẽn togsd ziri wã.+ B pa na n zĩnd neb nins mam sẽn togsd m sũur koɛɛgã sʋk ye. B pa na n gʋls b yʋyã Israyɛll buudã sebrẽ ye. B pa na n lebg n leb Israyɛll soolmẽ wã ye. Woto, yãmb na n bãngame tɩ mam yaa a Zeova sẽn yaa Zu-soab sẽn ka to wã.+