12 Mam na n kɩtame tɩ Zida neb nins sẽn kellã sẽn yãk yam n na n tɩ zĩnd Ezɩpt soolmẽ wã ki be. B fãa na n sãama Ezɩpt soolmẽ wã.+ B na n kii zabr pʋgẽ. Kom n na n kʋ-ba. Zabr ne kom n na n kʋ-ba, sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã. B na n lebga bũmb nebã sẽn na n tar n kãabd wẽnga, bũmb sẽn kẽesd rabeem, la kãab-wẽnga. Nebã na n paoogd-b lame.+

17 B sã n wa gũbg tẽngã ne tãn-dʋya, la b me lals n gũbg-a n na n zab n kʋ neb* wʋsgo, a Farawõ tãb-biis wʋsgã la a tãb-biis sul ka tɛkã pa na n tõog n sõng-a baa bilf zabrã sasa ye.+ 18 A paooga wẽenego, la a sãam kaoole. Baa a sẽn sak n pʋlmã,* a maana bõn-kãensã fãa. A pa na n põs ye.”’