10 A Zeova yeelame: “Foom a Zakoob sẽn yaa mam tʋm-tʋmdã, ra zoe rabeem ye.

Foom a Israyɛlle, ra yɛɛs ye.+

Bala mam na n fãaga foo zĩ-zãrgẽ wã,

la m fãag f yagensã soolem ning pʋgẽ b sẽn be n yaa yembsã.+

A Zakoob yagensã na n lebg n wa zĩnda bãane, n pa yɛɛsdẽ,

tɩ ned kae n kẽesd-b rabeem ye.”+

14 Mam na n talla Israyɛll nebã sẽn yaa mam nin-buiidã sẽn da be yembdã n lebg n wa.+

B na n lebs n mee b tẽnsã sẽn lebg raboodã n zĩnd b pʋsẽ.+

B na n sela viyn tɩɩse, n yũ b divẽ wã.+

B na n sela zẽedo, n dɩ b biisã.’+

20 Wakat kãnga, mam na n talla yãmb n lebg n wa.

Wakat kãnga, mam na n tigma yãmba.

Mam sã n wa tigim yãmb neb nins sẽn be yembdã yãmb nifẽ,+

mam na n kɩtame tɩ yãmb lebg buud yʋʋr sẽn yi, la buud b sẽn pẽgd+ tẽngã buud toɛy-toɛyã fãa sʋka.” Yaa a Zeova n yeele.