31 Zĩ-sõng sẽn yɩɩdã noore, yẽ maana kʋɩlens ne pẽ tɩɩs raado, ra-lugs la kʋɩlen-lugã, babg a nu soaba.* 32 Kʋɩlens a yiibã ra maana ne pẽ tɩɩs raado, tɩ b gʋl seribẽ-rãmba, koms la tɩ-puud b zutu, n bolg b fãa ne sãnem. Yẽ bolga seribẽ-rãmbã la komsã ne sãnem. 33 Yẽ maana Zĩ-sõngã* noor kʋɩlen-lugã sẽn maan ne pẽ tɩɩs raadã me woto, tɩ yaa babg a naas-n-soaba.* 34 Yẽ maana kʋɩlens a yiib ne zenevirie raado. Kʋɩleng a yembr da tara ra-pɛgd a yiib sẽn wẽnemded goabg la rɩtgo, t’a to wã me tar ra-pɛgd a yiib sẽn wẽnemded goabg la rɩtgo.+ 35 Yẽ peesa seribẽ-rãmba, koms la tɩ-puudu, n bolg-b ne sãnem.