• Ezayi 60:17
    Gʋls-sõamyã, Dũni-paalgã lebgre

    • 17 Mam na n kɩtame tɩ sãnem wa reeg zũud zĩiga,

      tɩ wanzuri reeg kut zĩiga,

      la m kɩt tɩ zũud wa reeg raad zĩiga,

      tɩ kut me reeg kug zĩiga.

      Mam na n kɩtame tɩ laafɩ yɩ fo yel-gɛta,

      tɩ tɩrlem yɩ soab ning sẽn kõt foo tʋʋmã.+

  • Zeremi 23:5
    Gʋls-sõamyã, Dũni-paalgã lebgre

    • 5 A Zeova yeelame yaa: “Daar n wat tɩ mam na n kɩt tɩ yageng* sẽn yaa tɩrg yi a Davɩɩd pendẽ wã.+ Rĩm n na n dɩ naam.+ A na n talla yam-vẽenem, n kaood bʋʋd ne tɩrlem, la a maand sẽn yaa tɩrg soolmã pʋgẽ.+

  • Ezekɩyɛll 46:18
    Gʋls-sõamyã, Dũni-paalgã lebgre

    • 18 Naabã pa segd n dig nin-buiidã n yiis b zĩisẽ wã n deeg b rogem-pʋɩɩr ye. Yaa a meng zĩigã la a segd n yãk n kõ a kom-dibli wã tɩ yɩ b rogem-pʋɩɩre, sẽn na yɩl tɩ b ra rig mam nin-buiidã sʋk ned baa a ye n yiis a zĩigẽ ye.’”

  • Mise 3:1-3
    Gʋls-sõamyã, Dũni-paalgã lebgre

    • 3 Mam yeelame: “Yãmb a Zakoob yagensã taoor dãmba,

      ne yãmb a Israyɛll buudã taoor dãmba,+ m bõos tɩ y kelge.

      Yãmb da pa segd n bãng sẽn yaa tɩrg sɩda?

       2 La yãmb kisa sẽn sõmbe,+ la y nong sẽn yaa wẽnga.+

      Yãmb sɩɩda mam nebã gãndo, la y tõsd b nemdã n basd b kõabã.+

       3 Sẽn paase, yãmb wãbda mam nebã nemdo.+

      Yãmb sɩɩd-b lame,

      n kaood b kõabã, la y wõrd-b zõm-zõm+

      wa bũmb b sẽn dʋg rʋkẽ,* wa nemd sẽn be rʋk pʋgẽ.