• Yɩɩn-sõamyã 80:14-16
    Gʋls-sõamyã, Dũni-paalgã lebgre

    • 14 Mam Wẽnnaam sẽn yaa tãb-biis naaba, m bõos tɩ y lebg n wa.

      Pa-y saasẽ n sulg n gese, n yã bũmb ning sẽn maandã!

      Ges-y y viyn tɩɩgã yelle.+

      15 Yaa tɩɩg ning yãmb sẽn da sel ne y nug-rɩtgã.+

      Ges-y biigã* yãmb sẽn kɩt t’a paam pãng yãmb yĩngã.+

      16 B yõog-a-la bugum+ la b kɛɛg-a n lubi.

      Yãmb sã n tãs fãa, nin-buiidã sãamdame.

  • Ezayi 5:24
    Gʋls-sõamyã, Dũni-paalgã lebgre

    • 24 Dẽ wã, wa bug-zɩleng sẽn dɩt mood to-to

      tɩ mo-koeemsã menemd bugmã pʋgẽ wã,

      b yẽgã na n põogame,

      la b puudã na n sãeega wa zom,

      bala bãmb basa tãb-biis naab a Zeova tõogã,*

      la b paoog Israyɛll Sõng soabã gomdã.+

  • Zeremi 7:20
    Gʋls-sõamyã, Dũni-paalgã lebgre

    • 20 Woto yĩnga, ad a Zeova sẽn yaa Zu-soab sẽn ka to wã sẽn yeele: ‘Mam na n kiiga m sũ-yikrã ne m sũ-puugrã zĩ-kãngã zugu,+ ninsaalbã la rũmsã zutu, tɩɩsã sẽn be weoogẽ wã zutu, la tẽngã bõn-koaadlã biis zutu. Mam sũ-yikrã na n dɩta wa bugum n pa kiidẽ ye.’+

  • Ezekɩyɛll 20:47
    Gʋls-sõamyã, Dũni-paalgã lebgre

    • 47 Yeel goabg kãgrã yaa: ‘Kelg a Zeova goama. Ad a Zeova sẽn yaa Zu-soab sẽn ka to wã sẽn yeele: “Mam na n kɩtame tɩ bugum yõk foo.+ A na n dɩɩ tɩ-maasã la tɩ-koeemsã fãa sẽn be fo pʋgẽ wã. Bug-witmã pa na n ki ye.+ A na n yõoga nensã* fãa, sẽn sɩng goabg n tãag rɩtgo.