-
Zeremi 2:23, 24Gʋls-sõamyã, Dũni-paalgã lebgre
-
-
23 Fo na n yɩɩ wãn n yeel tɩ f ‘pa rẽgem f menga,’
la tɩ f ‘pa tũ Baal-rãmba’?
Ges sor ning fo sẽn tũ longẽ wã.
Tags f sẽn maanã zugu.
Fo yaa wa yʋgem-yãang sẽn yaa poll sẽn tʋʋle,
n zoet yaar bal n kẽnd poorẽ la taoore,
24 wa we-bõang sẽn minim we-raoogã,
n yũbsd vɩʋʋgã a sẽn dat rʋʋb yĩnga.*
Ãnda n tõe n gɩdg-a, a sã n wa rat rʋʋbo?
Neb nins sẽn baood-a wã baa a ye pa na n yɛ ye.
A rʋʋbã wakate,* b na n yã-a lame.
-