14 M na n dɩgs-b lame n pãb taab tɩ b bedse. M na n maana woto ne ba-rãmbã la kambã me.” Yaa a Zeova n yeele.+ “M pa na n zoe b nimbãanega, wall m sãam m sũur b yĩnga, bɩ n kʋm-b ye. Baa fʋɩ pa na n kɩt tɩ m bas n pa sãam-b ye.”’+

11 “A Zeova sẽn yaa Zu-soab sẽn ka to wã yeelame: ‘Mam wẽenda ne m meng tɩ sẽn yaa mam doogã la yãmb rẽgem ne y bõn-naandsã fãa sẽn yaa bõn-yoodã, la ne y tʋʋm-wẽnsã fãa wã,+ ma-me na n daaga yãmb n base.* Mam pa na n sãam m sũur y yĩnga, wall m zoe y nimbãaneg ye.+