• Ezayi 47:12, 13
    Gʋls-sõamyã, Dũni-paalgã lebgre

    • 12 Rẽ wã, ket n dabsd neba, la f maand f tɩtã,+

      fo sẽn da sɩng n maand ne f sũur fãa hal f bi-bɩɩlem wakatã.

      Tõe tɩ f na n tõog n dɩɩ a yõodo.

      Tõe tɩ f kẽes neb rabeem.

      13 Fo baoo sagendb wʋsg tɩ wa ne f yaamse.

      Bɩ b yik n fãag foo masã.

      Bãmb yaa neb nins sẽn waoogd saasã,* n get ãdsã,+

      la b togsd bũmb nins sẽn na n paam foom

      ki-paalã sasa wã.

  • Dãniyɛll 2:10, 11
    Gʋls-sõamyã, Dũni-paalgã lebgre

    • 10 Kalde ãds-bagbã leoka rĩmã yaa: “Ned kae tẽngã* zug n tõe n maan rĩmã sẽn kosã ye. Bala rĩm-kãseng wall guvɛrneer nan pa kos maan-kʋʋdb nins sẽn maand tɩtã, pa rẽ bɩ bag-bʋgdbã wall Kalde ãds-bagbã tɩ b maan bũmb a woto ye. 11 Rĩmã sẽn kot bũmb ningã yaa toogo. Sẽn paase, ned kae n tõe n togs rĩmã bõn-kãnga, sã n pa wẽnnaam-dãmbã sẽn pa be ninsaalbã sẽn yaa kiidbã sʋkã.”