18 La y segd n tɩ yeela Zida rĩmã sẽn tʋm yãmb tɩ y wa sok a Zeova wã yaa: “Ad Israyɛll Wẽnnaam a Zeova sẽn yeele: ‘Goam nins fo sẽn wʋmã wɛɛngẽ, 19 fo sũur sẽn sãam tɩ f sik f meng+ a Zeova taoore, fo sẽn wʋm mam sẽn yeel tɩ m na n maana tẽn-kãngã ne a nebã bũmb ningã, m sẽn yeel tɩ kãab-wẽng n na n paam bãmb tɩ nebã yɛɛsã, tɩ fo pãrs f futã+ n yãb mam taoorã yĩnga, ma-me wʋma f pʋʋsgã. Yaa a Zeova meng n gome.